गड-चालकाचा मृत्यू

गड-चालकाचा मृत्यू

gad3011.jpg : रफिक अहमद 92505

चालत्या टँकरमध्येच आला
चालकाला हृदयविकाराचा धक्का

मृत उत्तरप्रदेशचा : कौलगे फाट्याजवळील घटना

गडहिंग्लज, ता. 30 : संकेश्वर-बांदा महामार्गाच्या कामावर असणाऱ्या एका चालकाला चालत्या टँकरमध्येच हृदयविकाराचा धक्का बसला. सुदैवाने रस्त्यावर अन्य वाहने नसल्याने मोठा धोका टळला. गडहिंग्लज-आजरा मार्गावरील कौलगे (ता. गडहिंग्लज) फाट्याजवळ आज सकाळी साडेदहाच्या सुमारास ही घटना घडली. दरम्यान, टँकर चालकाचा मृत्यू झाला आहे. रफिक इस्ताक अहमद (वय 41, रा. इस्ताक बरवान, पो. कैथी, सनभद्रा, उत्तरप्रदेश) असे त्याचे नाव आहे.
संकेश्वर-बांदा महामार्गाचे काम सुरू आहे. या कामावरील पाण्याच्या टँकरवर रफिक चालक म्हणून काम करत होते. आज सकाळी रस्त्यावर पाणी मारण्यासाठी टँकर घेऊन येत असताना कौलगे फाट्याजवळ त्यांना हृदयविकाराचा धक्का बसला. अत्यवस्थ अवस्थेतच त्यांनी टँकर रस्त्याकडेला घेत थांबवला. हा प्रकार लक्षात येताच कामावर असणाऱ्या अन्य कामगारांनी रफिक यांना उपचारासाठी येथील उपजिल्हा रुग्णालयात दाखल केले. मात्र, उपचारापूर्वीच त्यांचा मृत्यू झाला होता. उपजिल्हा रुग्णालयाचे डॉ. सचिन खतकल्ले यांनी येथील पोलिसात वर्दी दिली आहे. हवालदार कांबळे अधिक तपास करीत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com