पाणीपुरवटा बंद

01980
कोल्हापूर : महापालिकेने जुना आपटेनगर येथील केंद्राजवळील गळती दुरुस्त करण्यात आली.

व्हॉल्व्ह दुरुस्तीमुळे
अपुरा पाणीपुरवठा
पाच टॅंकरच्या १८ फेऱ्यांद्वारे विविध भागांत पाणी
कोल्हापूर, ता. १० : चंबुखडी टाकीवरून येणाऱ्या मुख्य गुरुत्व वाहिनीवरील व्हॉल्व्ह दुरुस्तीसाठी बालिंगा जल उपसाकेंद्रावर अवलंबून असणाऱ्या भागातील पाणीपुरवठा बंद राहिला. त्यामुळे पाच टॅंकरच्या १८ फेऱ्यांद्वारे विविध भागांत पाणीपुरवठा करण्यात आला. संपूर्ण सी व डी वॉर्डसह ए, बी. वॉर्ड, तसेच ई वॉर्डमधील काही भागांत आज पाणी आले नाही. दिवसभरात जुना आपटेनगर उपसा केंद्रावरील दोन गळती दुरुस्त केल्या. तसेच रंकाळा स्टॅंडजवळील व्हॉल्व्हमधील गळतीही दुरुस्त करण्यात आली. दुरुस्तीनंतर उपसा सुरू करण्यात आला. रात्री ज्या भागात पाणी दिले जाते, तिथे कमी दाबाने पाणी मिळेल. उद्या (ता. ११) काही उंच भागात अपुरे पाणी येण्याची शक्यता आहे.
सकाळच्या सत्रापासून पाणी आले नसल्याने अनेक भागांत नागरिकांनी टॅंकर मागवले. कसबा बावडा केंद्रावरून तीन टॅंकरद्वारे १२ ठिकाणी पाणी देण्यात आले, तर कळंबा केंद्रावरून दोन टॅंकरद्वारा सहा ठिकाणी पाणी देण्यात आले. एकूण १८ फेऱ्यांद्वारे विविध भागांत पाणी दिले.