गुंड संतोष बोडके स्थानबद्ध

गुंड संतोष बोडके स्थानबद्ध

01956
...

गुंड संतोष बोडकेवर स्थानबद्धतेची कारवाई

पुण्याच्या येरवडा कारागृहात रवानगी

कोल्हापूर, ता. १० ः खंडणी, खुनाचा प्रयत्न, विनयभंग, दमदाटी अशा प्रकारचे बारा गुन्हे दाखल असणाऱ्या गुंड संतोष सोनबा बोडके (वय २९, रा.सासने कॉलनी, लक्षतीर्थ वसाहत) याच्यावर स्थानबद्धतेची कारवाई करण्यात आली. जिल्हाधिकारी राहुल रेखावार यांनी हे आदेश दिले. पुढील एक वर्षासाठी संतोषला पुण्यातील येरवडा कारागृहात ठेवण्यात येणार आहे. लक्ष्मीपुरी पोलिस निरीक्षक श्रीकृष्ण कटकधोंड यांनी हा प्रस्ताव बनवून पोलिस उपाधिक्षक मंगेश देसाई, अधीक्षक शैलेश बलकवडे यांच्यामार्फत जिल्हाधिकाऱ्यांना दिला होता.
याबाबत पोलिसांनी दिलेल्या माहितीनुसार, लक्षतीर्थ वसाहत येथे संतोष बोडकेची गुंडगिरी वाढली होती. वारंवार कारवाई करूनही त्याने दहशत माजवणे सुरूच ठेवले होते. त्याच्यावर खंडणी, खुनाचा प्रयत्न, विनयभंग, दमदाटी अशा प्रकारचे बारा गुन्हे दाखल आहेत. स्थानिक तरुणांना एकत्र करून तो टोळी करून दहशत माजवत होता. त्यामुळे त्याच्या स्थानबद्धतेचा प्रस्ताव बनवण्यात आला. २०२३ मध्ये स्थानबद्धतेचा प्रस्ताव पारीत झाला. त्यानुसार त्याला पुण्यातील येरवडा कारागृहात एक वर्ष स्थानबद्ध करण्यात येणार आहे. आज त्याची रवानगी येरवडा कारागृहात करण्यात आली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com