वरिष्ठ निवड श्रेणी प्रशिक्षण निःशुल्क करा

वरिष्ठ निवड श्रेणी प्रशिक्षण निःशुल्क करा

वरिष्ठ निवड श्रेणी प्रशिक्षण निःशुल्क करा

खासगी प्राथमिक शिक्षक महासंघाची मागणी; सहाय्यक शिक्षण संचालकांना निवेदन

कोल्हापूर, ता. १९ ः कोरोनाच्या पार्श्वभूमीवर वरिष्ठ व निवड श्रेणी प्रशिक्षण ऑनलाईन आणि दोन हजार रूपये इतक्या शुल्कासह आयोजित करण्यात आले होते. तरी यापुढे होणारे प्रशिक्षण हे निःशुल्क व ऑफलाईन पद्धतीने आयोजित करण्याची मागणी खासगी प्राथमिक शिक्षक व शिक्षकेतर महासंघाचे राज्य सचिव राजेंद्र कोरे यांनी शिक्षण संचालक (प्राथमिक) व राज्य शैक्षणिक संशोधन व प्रशिक्षण संस्थाचे संचालक यांच्याकडे लेखी निवेदनाद्वारे केली.
राज्यातील १२ आणि २४ वर्षे पूर्ण झालेल्या शिक्षक कर्मचाऱ्यांना वरिष्ठ व निवड श्रेणी लागू होण्याकरिता विशेष प्रशिक्षण घेण्याची आवश्यकता असते. पूर्वी जिल्हा शिक्षण व प्रशिक्षण संस्था (डायट) यांच्या मार्फत ऑफलाईन व निःशुल्क २१ दिवसांचे प्रशिक्षण आयोजित करण्यात येत होते. पण, कोरोनाच्या पार्श्वभूमीवरती सदरचे प्रशिक्षण सहशुल्क व ऑनलाईन पद्धतीने आयोजित करण्यात आले. त्यासाठी प्रत्येकी दोन हजार रुपये शुल्क आकारण्यात आले होते. सद्यस्थितीत कोरोनाचा कोणताही धोका नसून वरिष्ठ व निवड श्रेणी प्रशिक्षण हे ऑफलाईन व निःशुल्क आयोजित करावे. प्रशिक्षण दरवर्षी जिल्हास्तरावर पूर्वीप्रमाणे आयोजित करण्यात यावे, अशी मागणी निवेदनाद्वारे करण्यात आली. सहाय्यक शिक्षण संचालक सुभाष चौगुले यांना निवेदन देण्यात आले. यावेळी महासंघाचे राज्य सचिव राजेंद्र कोरे, करवीर तालुका अध्यक्ष राज मेंगे उपस्थित होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com