कै.आण्णा मोगणे सहारा स्पोर्टस ॲकॅडमी अ व ब विजयी

आण्णा मोगणे सहारा स्पोर्टस् विजयी
कोल्हापूर, ता. २८ : कोल्हापूर जिल्हा क्रिकेट असोसिएशन आयोजित माजी आमदार स्व. दिनकरराव यादव चषक अ गट क्रिकेट स्पर्धेतील आजचा सामना कै. आण्णा मोगणे सहारा स्पोर्टस् ॲकॅडमी अ विरूध्द फायटर्स स्पोर्टस् क्लब यांचे मध्ये झाला. सामन्यात सहारा स्पोर्टस् अ ने ५ विकेटनी विजय मिळविला. प्रथम फलदांजी करताना फायटर्सने २८.१ षटकांत सर्वबाद १०४ धावा केल्या. यामध्ये अनुराग मिस्त्री २६ व आदित्य शिंदे ११ धावा केल्या. सहारा स्पोर्टस् कडून अल्केश कवाळे ५, रवि चौधरी ३, रोहीत गिरीने १ बळी घेतला. उत्तरादाखल खेळताना सहारा स्पोर्टस् संघाने १४.२ षटकांत ५ बाद १०६ धावा केल्या.  यामध्ये रोहीत गिरी  ४६, रवि चौधरी १९ व यशराज कोरोचे नाबाद १७  धावा केल्या.  फायटर्स कडुन तन्वीर सय्यद २, सोहम घाळी व साद्दिक पटेल यांनी प्रत्येकी १ बळी घेतला. 
दुसरा सामना इचलकंरजी येथे कै. आण्णा मोगणे सहारा स्पोर्टस् ॲकॅडमी ब विरूध्द पॅकर्स क्रिकेट क्लब यांच्यात झाला. सामन्यात कै आण्णा मोगणे सहारा स्पोर्टस् ॲकॅडमी बने ९९ धावांनी विजय मिळविला. प्रथम फलंदाजी करताना सहारा स्पोर्टस् बने ४० षटकांत ७ बाद २१६ धावा केल्या. यामध्ये अभिनंदन गायकवाड ४८, संयम छपरे ४१, प्रथम सवनुर ३२ धावा केल्या. पॅकर्सकडून आदित्य पिसाळ २, सुधीर तोडकर, मधुसुदन राव, धैर्यशील शिंदे, व वैभव पाटील यांनी प्रत्येकी १ बळी घेतला. उत्तरादाखल खेळताना पॅकर्स क्लबने २५.२ षटकांत सर्वबाद ११७ धावा केल्या. यामध्ये शुभम वाडकर ५३ व वैभव पाटील २१ धावा केल्या सहारा ब कडुन प्रथमेश साठेने ५,  व साईप्रसाद मानेने २, अभिषेक आंब्रे व आदित्य पाटील यांनी प्रत्येकी १ बळी घेतला.