छत्रपती ‘वॉरियर्स’चा विजय

छत्रपती ‘वॉरियर्स’चा विजय

अटल चषक फुटबॉल स्पर्धा

छत्रपती ‘वॉरियर्स’चा विजय
कोल्हापूर, ता. ३ : अटल चषक फुटबॉल स्पर्धेत झालेल्या मैत्रीपूर्ण लढतीत छत्रपती वॉरियर्स संघाने शाहू वॉरियर्स संघावर सडनडेथवर विजय मिळवला. सामना संपूर्णवेळ १-१ असा बरोबरीत झाला. यानंतरच्या टायब्रेकरमध्येही ३-३ अशी बरोबरी झाली. सडनडेथमधला पहिला स्ट्रोकही बरोबरीत झाला. यानंतरच्या स्ट्रोक वर छत्रपती वॉरियर्सने शाहू वॉरियर्सचा पराभव केला.
शहरातील विविध तालीम संस्था-तरुण मंडळांच्या ज्येष्ठ खेळाडूंकरिता मैत्रीपूर्ण सामना घेण्यात आला. यात छत्रपती वॉरियर्स विरुध्द शाहू वॉरियर्स असे दोन संघ भिडले. संपूर्ण वेळ चुरशीने रंगलेल्या सामन्यात छत्रपती वॉरियर्सकडून रिची फर्नांडीसने केलेल्या गोलची परतफेड शाहू वॉरियर्सचा राजेश पाटीलने केली. यामुळे संपूर्णवेळ सामना १-१ असा बरोबरीत झाला. छत्रपती वॉरिअर्सच्या श्रीकांत पाटीलने गोल नोंदवत संघाला १-० असा विजय मिळवून दिला.
-------------
श्री शिवाजी मंडळ-पाटाकडील ‘अ’ आज अंतिम लढत
अटल चषकासाठी स्पर्धेचा अंतिम सामना रविवारी (ता. ४) दुपारी ४ वाजता, श्री शिवाजी तरुण मंडळ विरुध्द पाटाकडील तालीम मंडळ यांच्यात होणार आहे. अंतिम सामना खिलाडूवृ्त्तीने आणि कोल्हापूरच्या नावलौकीकास साजेशा पध्दतीने यशस्वी करण्याचे आवाहन संयोजकांनी केले आहे. तर शिवराज्याभिषेक दिनानिमित्त विविध कार्यक्रमांचे आयोजन शहरभरामध्ये असल्यामुळे विजेत्या संघाने मिरवणूक न काढण्याचे आवाहन पोलिस प्रशासनाने केले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com