शिवराज्याभिषेक बोधचिन्ह

13143
...
शासकीय पत्रव्यवहारांत होणार
शिवराज्याभिषेक बोधचिन्हाचा वापर

कोल्हापूर : शासनातर्फे वर्षभर होणाऱ्या कार्यक्रमांच्या प्रचार व प्रसिद्धीसह शासकीय पत्रव्यवहारांत ३५० व्या शिवराज्याभिषेकानिमित्त साकारलेल्या विशेष बोधचिन्हाचा वापर करण्यात येणार आहे. शिवकालीन मंगल चिन्हे व शिवछत्रपतींचा पराक्रम, शौर्य अधोरेखित करणाऱ्या या विशेष बोधचिन्हाचे नुकतेच लोकार्पण करण्यात आले. यंदा शिवराज्याभिषेकास ३५० वे वर्ष सुरू झाले असून, दुर्गराज रायगडावर शासनातर्फे विविध कार्यक्रम झाले. अखिल भारतीय शिवराज्याभिषेक महोत्सव समितीचे मार्गदर्शक युवराज संभाजीराजे छत्रपती व युवराज्ञी संयोगिताराजे छत्रपती यांच्या मार्गदर्शनाखाली ५ व ६ जूनला इतिहासाचा जागर घालण्यात आला. महाराष्ट्रासह देशभरात ठिकठिकाणी शिवराज्याभिषेकाचा सोहळा दिमाखात साजरा झाला. शिवछत्रपतींच्या विचारांचा जागर लोकांच्या मनामनांत व्हावा, जगभरात जेथे मराठी माणूस आहे, तेथे छत्रपतींचा विचार तसेच त्यांच्याबद्दलची माहिती पोचावी, याकरिता बोधचिन्ह साकारण्यात आले आहे. शासनाच्या कार्यक्रमांच्या प्रचार, प्रसिद्धीसह पत्रव्यवहारांत त्याचा वापर केले जाणार आहे. तसेच बोधचिन्ह शासकीय कार्यालयांत दर्शनी भागात चित्रित करण्याचा आदेश देण्यात आला आहे.