इचल ः महापालिका अधिकारी बदली

उपायुक्त आढाव यांच्यासह
दोन अधिकाऱ्यांच्या बदल्या
इचलकरंजी, ता. ३१ ः येथील महापालिकेच्या दोन महत्त्वाच्या पदावरील अधिकाऱ्यांच्या बदल्या झाल्या आहेत. यामध्ये उपायुक्त सोमनाथ आढाव यांची नाशिक जिल्ह्यातील इगतपुरी नगरपरिषदेच्या मुख्याधिकारी पदावर बदली झाली आहे, तर अलीकडेच रुजू झालेले सहाय्यक आयुक्त विजय कावळे यांची दौंड नगपरिषदेच्या मुख्याधिकारी पदावर नियुक्ती करण्यात आली आहे.
राज्य शासनाच्या नगर विकास विभागाने याबाबतचे स्वंतत्र आदेश काढले आहेत. प्रशासकीय कारणास्तव रिक्त पदावर नियुक्ती करण्यात येत असल्याचे आदेशात नमूद केले आहे. बदलीच्या ठिकाणी तत्काळ रुजू होण्याचे आदेश देण्यात आहेत. यातील उपायुक्त आढाव वर्षभरापू्र्वी रूजू झाले आहेत. त्यांनी प्रशासकीय कामकाजात विशेषतः कर विभागाच्या कार्यपद्धतीमध्ये चांगली सुधारणा घडवून आणली आहे. त्यामुळे या विभागाच्या कामकाजात सुलभता आली आहे.