पान९

चारचाकीच्या धडकेत
कॉन्स्टेबल जखमी
कोल्हापूर : छत्रपती शिवाजी महाराज चौकात बंदोबस्तास असलेले कॉन्स्टेबल मारुती शिंदे आज दैव बलवत्तर म्हणून बचावले. भरधाव वेगाने आलेल्या चारचाकीच्या धडकेतून ते सहीसलामत सुटले. मात्र, या प्रयत्नात ते किरकोळ जखमी झाले. रात्री उशिरापर्यंत गुन्हा दाखल करण्याचे काम सुरू होते.
मिळालेली माहिती अशी, श्री. शिंदे बंदोबस्ताच्या निमित्ताने चौकात थांबले होते. शिवाजी महाराज पुतळ्याकडून घुडणपीर दर्गाहमार्गे भरधाव वेगाने चारचाकी त्यांच्या दिशेने आली. तिला चुकवताना ते किरकोळ जखमी झाले.