पैलवान सत्कार

26460

वस्तादांसह पैलवानांच्या
वंशजांचा विशेष सत्कार
खासबागेत सोहळा; शाहू कृतज्ञता पर्वाचे औचित्य
सकाळ वृत्तसेवा
कोल्हापूर, ता. ३ : शाहूकालीन वस्ताद व पैलवानांच्या वंशजाचा राजर्षी शाहू खासबाग मैदानात आज विशेष सत्कार झाला. कोल्हापुरी फेटा, राजर्षी शाहूंची प्रतिमा, पैलवानी खुराक आणि तुपातले रोट असे पुरस्काराचे स्वरूप होते. लोकराजा राजर्षी छत्रपती शाहू कृतज्ञता पर्व अंतर्गत त्याचे आयोजन केले होते.
वस्ताद रावजी सांगावकर - पाटील, पठाण वस्ताद, गणपत शिंदे, शिवाप्पा बेरड, देवाप्पा धनगर, गोविंदा कसबेकर, पांडू भोसले, पैलवान निहाल, गोराईमाम, बाबूमिया, बाबू बिरे, म्हादू गवंडी, व्यंकाप्पा बुरुड, राजाराम मेथे यांच्यासह दुसऱ्या, तिसऱ्या पिढीतील वंशजांचा यात समावेश होता.
जिल्हा क्रीडाधिकारी डॉ. चंद्रशेखर साखरे, कुस्ती संघटक बाबा महाडिक, तालुका क्रीडा अधिकारी सचिन चव्हाण, क्रीडा अधिकारी बालाजी बरबडे, सुधाकर जमादार, इतिहास संशोधक राम यादव, कुस्ती मल्ल विद्या संघटनेचे अध्यक्ष गणेश मानुगडे, संग्राम कांबळे, मावळा कोल्हापूरचे अध्यक्ष उमेश पोवार उपस्थित होते.
जिल्हा क्रीडा कार्यालय, कुस्ती मल्ल विद्या, सिद्धात सांगावकर, विशाल भंडारी यांचे कार्यक्रमासाठी सहकार्य मिळाले.