पाऊस

जिल्ह्यात ठिकठिकाणी पावसाची हजेरी

कोल्हापूर, ता. २३ : जोरदार वारा आणि विजांच्या कडकडाटात आज मॉन्सूनपूर्व पावसाने जिल्ह्यात ठिकठिकाणी हजेरी लावली. तर, कोल्हापूर शहर आणि परिसरात मात्र हुलकावणी दिली. दरम्यान, काल रात्री हालोंडी (ता. हातकणंगले) येथे झालेल्या जोरदार पावसामुळे लग्न मंडप कोसळून पडला. यामध्ये काही लोक जखमी झाले.

जिल्ह्यात काल रात्री जोरदार पावसाने दैना उडवून दिली. हातकणंगले, शिरोळ, गडहिंग्लज, राधानगरी तालुक्यात दमदार पाऊस झाला. तर, हालोंडी येथे एक लग्न कार्यासाठी उभारलेला मंडप पडून काही जण जखमीही झाले होते. दरम्यान, आज दिवभर ढगाळ वातावरण होते. उष्माही वाढला होता. त्यामुळे सायंकाळी पाऊस येणार असा अंदाज हवामान विभागाने वर्तविला होता. मात्र शहरात पाऊस झाला नाही. ज्या ठिकाणी चांगला पाऊस झाला त्या ठिकाणी खरीपासाठी मशागत करुन ठेवेलेल्या शेतामध्ये भात, भुईमूग, सोयाबीन पेरण्यास गती येणार आहे. आज दिवसभर पावसाचे वातावरण होते. मात्र पाऊस आला नाही.
...
आजरा शहर परिसरात पाऊस
आजराः शहर व परिसरात आज वळवाचा पाऊस झाला. सुमारे पाऊण तास पाऊस झाला. पावसामुळे हवेत सुखद गारवा पसरला. आज सकाळ पासून हवेत उष्मा वाढला होता. दुपारनंतर अंधारून आले होते. चार वाजता पावसाला सुरवात झाली. विजेच्या कडकडाटासह पाऊस झाला.
...