वक्तृत्व स्पर्धेत अनन्या जाधव प्रथम

वक्तृत्व स्पर्धेत अनन्या जाधव प्रथम
कुरुंदवाड ता. २ ः व्यक्तिमत्व विकासात वक्तृत्व कलेला अत्यंत महत्त्व आहे. विद्यार्थ्यांनी शालेय जीवनापासूनच याची जोपासना करावी असे प्रतिपादन प्रा. एकनाथ करमळकर यांनी केले. येथील शिक्षण प्रसारक मंडळ व सीताबाई पटवर्धन हायस्कूल यांच्या संयुक्त विद्यमाने आयोजित आंतरशालेय कात्रे स्मृती वक्तृत्व स्पर्धेत ते बोलत होते. प्रमुख पाहुणे म्हणून ज्येष्ठ क्रीडाशिक्षक शरद तावदारे उपस्थित होते.
स्पर्धेतील यशस्वी विद्यार्थी असे : प्रथम : अनन्या जाधव (शेठ रतिलाल विठ्ठलदास गोसालिया हायस्कूल, माधवनगर सांगली) द्वितीय : वेदिका भुजूगडे (डॉ. आप्पासाहेब उर्फ सा. रे. पाटील हायस्कूल, जांभळी), तृतीय : श्रेया पवार (जी. बा. पाटील हायस्कूल, चिपरी) उत्तेजनार्थ : श्रावणी कोळी (न्यू इंग्लिश स्कूल अँड ज्युनिअर कॉलेज, अब्दूललाट) व कुमार शुभम दादासाहेब पवार (सैनिकी पॅटर्न निवासी शाळा, कुरुंदवाड).