कोरोनाच्या रुग्णसंख्येत मुंबईत झपाट्याने वाढ

मुंबईत कोरोनाबाधित वाढले
मुंबई : मुंबईत कोरोनाच्या चौथ्या लाटेने पाय पसरण्यास सुरुवात केली आहे. मार्चमध्ये दररोज आढळणारी रुग्णसंख्या ३० पर्यंत होती; मात्र आता रुग्णांमध्ये झपाट्याने वाढ होत असल्याने चिंता वाढली आहे. बुधवारी दिवसभरात तब्बल ७३९ रुग्ण आढळले. त्यामुळे मुंबईत कोरोना रुग्णांची आजपर्यंतची संख्या १० लाख ६५ हजार ५४१ वर पोहोचली आहे. दिवसभरात एकाही रुग्णाचा मृत्यू झाला नाही. मृतांची संख्या १९ हजार ५६६ वर स्थिरावली आहे. दिवसभरात २९५ रुग्णांनी कोरोनावर मात केली.