खोतवाडीत मानकरी होम मिनिस्टरच्या माधुरी खोत

03059
‘होम मिनिस्टर’च्या
मानकरी माधुरी खोत
माजगाव ता.२३ ः ग्रामीण भागातील महिलांना शेती व घरकामातून एक दिवस विरंगुळा मिळण्यासाठी खोतवाडी (ता. पन्हाळा) येथील माजी सरपंच कै. गणपती बापू खोत यांच्या स्मरणार्थ सरपंच फाउंडेशनतर्फे संतोष वडेकर प्रस्तुत होम मिनिस्टर कार्यक्रम झाला. प्रथम क्रमांक पैठणच्या मानकरी माधुरी कपिल खोत बनल्या. द्वितीय क्रमांक सोन्याची नथच्या मानकरी मेघा नीलेश चोरगे व तृतीय क्रमांक जोडवे रूपाली सागर खोत मानकरी ठरल्या. ८० महिला कार्यक्रमात सहभागी झाल्या होत्या.
खोतवाडीत सरपंच फाउंडेशनची स्थापना वर्षांपूर्वी झाली. फाऊंडेशनतर्फे प्रवाशांना बसण्यासाठी बैठक व्यवस्था, शालोपयोगी वस्तूंचे वाटप, उल्लेखनीय कार्य करणाऱ्या व्यक्तींचा गौरव, महिलांच्या कलागुणांना वाव देण्यासाठी विविध कार्यक्रम घेतले आहेत. यावेळी बाळाबाई साबळे, अलका खोत, इंदूबाई खोत, भारती खोत, शुभांगी जाधव, रूपाली गुरवळ व फाउंडेशनचे महेश गुरवळ, विक्रम खोत, दत्तात्रय रणदिवे, आशुतोष खोत, सुशांत खोत, संग्राम खोत, संतोष साबळे, सतीश गौड, नीलेश चोरगे उपस्थित होते. ओम श्रीखंड भैरवनाथ व लाईट एस. के. फायर प्रायोजक होते.