पन्हाळा तालुक्यातील विहिरींनी गाठला तळ

पन्हाळा तालुक्यातील विहिरींनी गाठला तळ

03264
पन्हाळाः विहिरीतील पाण्याने तळ गाठला आहे.
...

पन्हाळा तालुक्यातील विहिरींनी गाठला तळ

पिके वाळू लागली ; शेतकऱ्यांना पावसाची प्रतीक्षा

माजगाव, ता.४ः यंदा वळीव पावसाने ओढ दिल्यामुळे भूजल पाणी पातळी खूपच खालावली. यामुळे पन्हाळा तालुक्यातील अनेक गावांतील विहिरींनी तळ गाठला आहे. परिणामी विहिरीच्या पाण्यावर अवलंबून असणारी पिके वाळू लागली आहेत. शेतकरी हतबल झाला असून त्याचे डोळे आकाशाकडे लागले आहेत.
पन्हाळा तालुका म्हणजे पावसाचे आगर. पावसाळ्यात या ठिकाणी धुवॉंधार पाऊस पडतो. नदीवरील धरणे कमी कालावधीत भरून ओसंडून वाहत असतात. मुबलक पाण्यामुळे तालुका सुजलाम सुफलाम झाला आहे. परंतु जिथे नदीच्या पाण्याची सोय नाही, अशा ठिकाणी शेतकऱ्यांनी विहिरी खोदल्या आहेत. विहिरीच्या पाण्यावर शेतकरी उसासह विविध पिके घेत असतात. पण यंदा तालुक्यात वळीव पाऊस फारसा झालेला नाही. मे महिन्याच्या शेवटच्या आठवड्यात मान्सूनपूर्व पावसाने दांडी मारली. यामुळे भूजल पातळी कमी झाली आहे. परिणामी विहिरीच्या पाण्याचा स्त्रोत कमी होऊन विहिरींनी तळ गाठला आहे. सध्या उन्हाच्या झळा तीव्र झाल्या आहेत. सर्वच पिकांना जादा पाण्याची गरज भासत असताना विहिरींनी तळ गाठला आहे. पाण्याअभावी पिकांची वाढ खुंटली असून पिके वाळू लागली आहेत. शेतकरी पावसाच्या प्रतीक्षेत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com