नानीबाई चिखली - सत्कार

प्रा.रंगराव पाटील यांचा सत्कार
नानीबाई चिखली ः देवचंद महाविद्यालय अर्जुननगर ( ता. कागल ) येथील व्यावसायिक अभ्यासक्रम कनिष्ठ विभागाकडे कार्यरत असलेले प्रा. आर. बी. उर्फ रंगराव पाटील यांचा सेवानिवृत्तीनिमित्त महाविद्यालयाचे प्राचार्य डॉ. प्रशांत शाह यांचे हस्ते सत्कार करण्यात आला. उपप्राचार्य शेषगिरी कागवाडे, अधीक्षक दत्तात्रय पाटील उपस्थित होते.
प्राचार्य डॉ. शाह म्हणाले, की केवळ अभ्यासक्रम न शिकवता मुलांना प्रात्यक्षिकांद्वारे व्यावसायिक मार्गदर्शन करून विद्यार्थ्यांमधून विविध क्षेत्रांतील यशस्वी उद्योजक घडवण्यासाठी पाठपुरावा करणारे पाटील हे हाडाचे शिक्षक होते. पाटील, पर्यवेक्षक अशोक पवार यांनी मनोगत व्यक्त केले. वाणिज्य विभागप्रमुख प्रा. बी. एस. कुंभार, प्रा. सुहास न्हिवेकर, डॉ. राजकुमार वाईंगडे, प्रा. आशालता खोत, डॉ. एस. बी. यादव, डॉ. पी. वाय. पाटील आदी उपस्थित होते. प्रा. वैभव पाटील यांनी आभार मानले.