राजकुमार पोळ यांचा सत्कार

राजकुमार पोळ
यांचा सत्कार
पेठवडगाव, ता. ३ : सहकार क्षेत्रात मोठ्या प्रमाणात बदल येत आहेत. स्पर्धा वाढली आहे. अशा परिस्थितीत संस्थेची प्रगती करण्याचे मोठे आव्हान राजकुमार पोळ यांनी पेलले आहे. त्यामुळे त्यांच्या कार्याची दखल सामाजाने घेतली. परंतु एवढ्यावर त्यांनी न थांबता संस्थेच्या प्रगतीसाठी आणखी काम करुन संस्था शिखरावर नेण्याचे काम करावे, असे प्रतिपादन माजी पोलिस आयुक्त गुलाबराव पोळ यांनी केले.
येथील जयभवानी पतसंस्थेचे जनरल मॅनेजर राजकुमार पोळ यांना हातकणंगले पतसंस्था कर्मचारी संघटनेच्यावतीने आदर्श जनरल मॅनेजर पुरस्कार
मिळाल्याबद्दल त्यांच्या सत्कार समारंभ प्रसंगी ते बोलत होते. प्रमुख पाहुणे म्हणून माजी नगराध्यक्षा विद्याताई पोळ, श्रीमती विजयादेवी यादव, संस्थेचे माजी अध्यक्ष सुनिल हुक्केरी, संस्थेचे अध्यक्ष विलास सणगर, गुरुप्रसाद यादव, रणजीतसिंह यादव उपस्थित होते.
हातकणंगले तालुका कर्मचारी संघटनेचे अध्यक्ष सुधाकर पोळ म्हणाले, ‘त्यांनी नेहमीच समाजातील गोरगरीब व गरजू घटकांना मदतीचा हात दिला आहे. जयभवानी पतसंस्थेच्या योगदानात पोळ यांचे कार्य उल्लेखनीय आहे. अजातशत्रू,विनयशिलता व सहकाऱ्यांकडून काम करुन घेण्याची कला याबाबींचा विचार करुन त्यांना पुरस्कार दिला.’ विजय शहा, सचिन चव्हाण, प्रसन्न चिंगळे, जगदीश लोळगे यांची भाषणे झाली. प्रशांत भोरे यांनी सुत्रसंचालन केले. शरद पाटील यांनी आभार मानले.