सिद्धनेर्ली महावितरण बातमी

सिद्धनेर्ली महावितरण बातमी

अनियमित वीज कपातीबद्दल
अधिकाऱ्यांना विचारला जाब
सिद्धनेर्ली ः शेती पंपाच्या अनियमित वीज कपातीबद्दल महावितरणच्या कार्यालयातील अधिकाऱ्यांना शेतकऱ्यांनी धारेवर धरून जाब विचारला. याबाबतचे नियोजन चार मार्चपर्यंत शेतकऱ्यांना द्यावे. अन्यथा पाच तारखेला शेतकऱ्यांचा महावितरणच्या कार्यालयावर धडक मोर्चा काढण्याचा इशाराही शेतकऱ्यांनी अधिकाऱ्यांना दिला.
शेती पंपांच्या वीजपुरवठ्यात चार दिवसांपासून दोन तास कपात सुरू आहे. यामध्ये वाढही करण्यात येत आहे. त्यामुळे संतप्त शेतकऱ्यांनी महावितरणच्या कार्यालयावर धाव घेतली. येथे उपस्थित असलेले सहाय्यक अभियंता बारापत्रे यांनी वरिष्ठ कार्यालयाकडून आलेल्या सूचनेनुसार कपात होत असल्याचे सांगितले. यावर शेतकऱ्यांनी कागल विभागीय कार्यालयातील उपकार्यकारी अभियंता श्री. घोलप यांच्याशी संपर्क साधला व त्यांनी स्वतः येऊन नियोजन सांगावे, असा आग्रह धरला. यावेळी सिटूचे जिल्हा उपाध्यक्ष शिवाजी मगदूम, राहुल महाडिक, संदीप पाटील, मनोहर लोहार, श्रीकांत मगदूम, युवराज निकम, सागर मगदूम, शिवाजी लाड आदींसह शेतकरी उपस्थित होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com