चांदोली धरण परिसरात अतिवृष्टी

चांदोली धरण परिसरात अतिवृष्टी

शिराळा, ता. ५ : शिराळा तालुक्यात पावसाची संततधार कायम असून २४ तासांत चांदोली धरण परिसरात ८५ मि.मी. पावसाची नोंद झाल्याने अतिवृष्टी झाली आहे.
गेल्या दोन दिवसांपासून शिराळा तालुक्यात पावसाने सुरुवात केली असून, तालुक्यात आज दिवसभर पावसाची संततधार कायम आहे. सोमवारी सकाळी आठ ते मंगळवारी सकाळी आठ या २४ तासांत चांदोली धरण परिसरात ८५ मि.मी. पावसाची नोंद झाली असून, आजअखेर २७३ मि.मी. पावसाची नोंद झाली आहे. आज धरणात ११.४६ टी.एम.सी. म्हणजे ३३.२९ टक्के पाणीसाठा आहे. धरणाच्या पाणलोट क्षेत्रात पावसाची संततधार कायम असल्याने धरण व वारणा नदीच्या पाणी पातळीत काही प्रमाणात वाढ होऊ लागली आहे. सायंकाळपासून शिराळा तालुक्यात पावसाचा जोर आणखी वाढला आहे.