वडगाव येथील भैरीदेव सेवासंस्थेवर सत्ताधारींचा विजय

भैरीदेव सेवा संस्था सत्ताधाऱ्यांकडेच
सेनापती कापशी ः वडगाव (ता. कागल) येथील चुरशीने झालेल्या भैरीदेव विकास सेवा संस्थेच्या निवडणुकीत सत्ताधारी राजे व मुश्रीफ युतीने तेरापैकी अकरा जागांवर विजय मिळवला. विरोधी संजय घाटगे, मुश्रीफ व मंडलिक आघाडीला केवळ दोन जागेवर विजय मिळाला. निवडणूक चुरशीने झाली. त्यात अकरा उमेदवार विजयी करण्यात सत्ताधारी राजे व मुश्रीफ गटाला यश मिळाले. युतीचे गोविंद साबळे, जगदीश मोरे, रवींद्र देवठाणेकर, अजित गुरव, प्रकाश शिंदे, सयाजी मोरे यांनी नेतृत्व केले. विरोधी आघाडीचे एकनाथ नार्वेकर व अतुल दिवटणकर विजयी झाले. निवडून आलेले उमेदवार असे ः आण्णासो मोरे, ज्ञानू सावंत, नेताजी साबळे, लहू पाटील, धनाजी नार्वेकर, सुलाबाई जाधव, साताबाई दिवटणकर, कमल सांगले, रतन कांबळे, राजाराम सुतार व बाळकृष्ण पाटील. विरोधी गटातून एकनाथ नार्वेकर व अतुल दिवटणकर.