कोल्हापूरचा विमान प्रवास अधिक सुरक्षित

00376
शाहू नाका : कोल्हापूर विमानतळावर गुरुवारी ‘डीवीओआर’ आणि ‘डीएमइ’ या उपकरणांचा प्रारंभ संचालक अनिल शिंदे यांच्या हस्ते झाला.

‘डीवीओआर’, ‘डीएमइ’ उपकरण
कोल्हापूर विमानतळावर कार्यान्वित

सुरक्षित, विनाविलंब विमान उतरणार 

शाहू नाका, ता. ३१ ः ः कोल्हापूर विमानतळावर अत्याधुनिकरणाचा आणखी एक टप्पा गुरुवारी सुरू झाला. ‘डीवीओआर’ आणि ‘डीएमइ’ या उपकरणाला सार्वजनिक वापरासाठी परवानी मिळली आहे. यामुळे वैमानिकांना विमान लॅण्ड करताना हवेतून विमान ते विमानतळ अंतर मोजण्यासाठी फायदा होणार आहे. विमानतळावर विमाने सहज, सुरक्षित व विनाविलंब उतरण्यास मदत मिळणार आहे.
कोल्हापूर विमानतळाची वाटचाल आंतरराष्ट्रीय दर्जाकडे होत असून, या दोन्ही उपकरणामुळे कोल्हापूरचा हवाई प्रवास अधिक सुरक्षित होणार आहे. गुरुवारी संचालक अनिल शिंदे यांच्या हस्ते या उपकरणांचा प्रारंभ झाला.
कोल्हापूर विमानतळावर सध्या वैमानिकांना एनडीबी या उपकरणाच्या आधारे विमान उतरण्यासाठी दिशा व सूचना मिळत होती. ‘डीवीओआर’ हे उपकरण  ‘एनडीबी’पेक्षा अद्ययावत व विमानांच्या अचूक अंतराची माहिती देते. या उपकरणांच्या आधाराने वैमानिकांना कोल्हापूर विमानतळापासून वास्तव दिशा आणि अंतर अचूक समजणार आहे. विमानांची वास्ताविक अंतर समजणार असल्याने दोन विमानांमधील विभक्ती करणे सोपे जाणार आहे. त्यामुळे विमानतळावर विमाने सहज, सुरक्षित व विनाविलंब उतरण्यास मदत होणार आहे. 

कोट
भारतीय विमानतळ प्राधिकरणाकडून या उपकरणाची फेब्रुवारी २०२४ मध्ये यशस्वी चाचणी घेतली होती. यासाठी काही आवश्यक पूर्तता झाल्यानंतर उपकरण वैमानिकी उपयोगासाठी प्रायोजित निकषावर सुरू करण्यासाठी मान्यता मिळाली. सुरक्षित विमान प्रवासाच्या दृष्टीने आणखी एक महत्त्वाचा टप्पा पार पडला आहे.   
 -अनिल शिंदे, संचालक कोल्हापूर विमानतळ 

चौकट
अचूक दिशा समजणार
‘डीवीओआर’ आणि ‘डीएमइ’ यंत्रणेमुळे पायलट यांना विमानतळाच्या दिशा निर्देशानुसार अचूक दिशा आणि अंतर  मोजण्यासाठी मदत करते. या प्रगत यंत्रणेमुळे टेकऑफ आणि लँडिंग प्रक्रियेत सुरक्षितता वाढवण्यात मदत होणार आहे. विशेषतः खराब हवामान किंवा कमी दृश्यमानता असलेल्या परिस्थितीत या दोन्ही यंत्रणा पायलटांना अधिक प्रभावी मार्गदर्शन मिळणार आहे.