शिवप्रेमी राज्य गौरव पुरस्कार जाहीर

शिवप्रेमी राज्य गौरव पुरस्कार जाहीर
टोप, ता. १८ : येथील शिवसेनाप्रणित शिवप्रेमी ग्रुपतर्फे देण्यात येणारे शिवप्रेमी राज्य गौरव पुरस्कार महाराष्ट्र केसरी पैलवान पृथ्वीराज पाटील, डॉ. उत्तम मदने व तानाजी पाटील यांना जाहीर झाले. पुरस्काराचे वितरण शनिवारी (ता.२१) सांयकाळी सात वाजता शुभमंगल कार्यालयात होणार असल्याची माहीती ग्रुपचे अध्यक्ष प्रकाश पाटील यांनी दिली.
शिवप्रेमी ग्रुपतर्फे २००१ पासून विविध क्षेत्रात उल्लेखनिय काम करणाऱ्यांना शिवप्रेमी राज्य गौरव पुरस्कारने गौरवण्यात येते. कोरोनामुळे दोन वर्षे पुरस्कार वितरण झाले नाही. यामुळे यावर्षी तीन वर्षाच्या पुरस्काराची घोषणा केली. पुरस्काराचे वितरण येथील चिन्मय गणाधिश मठाचे स्वामी आत्मदेवानंद सरस्वती यांच्याहस्ते व खासदार धैर्यशील माने, राज्य नियोजन महामंडळाचे कार्याध्यक्ष राजेश क्षीरसागर, वस्त्रोद्योग महामंडळाचे माजी अध्यक्ष पुडंलिक जाधव यांच्या प्रमुख उपस्थित करण्यात येणार असल्याचे श्री. पाटील यांनी सांगीतले.
पुरस्कार सोहळ्यात दिपक पोवार, वसंत पाटील, राहूल भोसले, अथर्व गोंधळी, स्वप्नाली वायदंडे आदीचा विशेष सत्कार करण्यात येणार आहे. उत्तम पाटील, नितीन ढवाळे, बाबासो अस्वले, अशोक पाटील, अक्षय पाटील, संदीप पाटील, नितिन पाटील, निशांत पाटील आदी उपस्थीत होते.