पा ३

हलसवडे जमावाकडून
एकास मारहाण ; दोघांना अटक
उजळाईवाडी ःहलसवडे येथे पोहण्याच्या कारणावरून वादावादी झाल्यामुळे चिडून सात ते आठ जणांच्या जमावाने हॉकी स्टिक, काठी व खंजीर सारख्या हत्याराने मारहाण करत मुकेश बबन रजपूत (वय ३७ हलसवडे) यांना गंभीर जखमी केले. रजपूत यांच्या डाव्या हाताला गंभीर दुखापत झाली आहे. हा प्रकार मंगळवार रोजी सायंकाळी पाचच्या दरम्यान बजागे पेट्रोल पंप येथे घडली. फिर्यादी बबन यांच्या पत्नीला मारहाण करीत त्यांच्याशी गैरवर्तणूक केली. रजपूत यांना शिवीगाळ करीत जीवे मारण्याची धमकी दिली. एक चारचाकी व दुचाकी सह बेकायदा जमाव गोळा करून जीवे मारण्याची धमकी दिल्याप्रकरणी स्वप्निल मारुती पाटील व जयेश रयाजी पाटील (रेंदाळ ता. हातकणंगले) व अज्ञात पाच ते सहा जणांविरुद्ध गुन्हा नोंद झाला. तपास पोलीस नाईक संकपाळ करत आहेत.