Kolhapur Floods : 1 लाख 60 हजार ग्राहकांचा वीज पुरवठा खंडित

kolhapur
kolhapur

कोल्हापूर : कोल्हापूर व सांगली जिल्ह्यात मागील चार दिवसांपासून विजेची आपत्कालिन स्थिती ओढावलेली आहे. बुधवारी (दि. 7) मध्यरात्रीपर्यंत दोन जिल्ह्यात मिळून महावितरणची 29 वीज उपकेंद्रे व 5582 रोहित्रांना या अभूतपूर्व महापुराचा फटका बसलेला आहे. वीज वाहिन्या पुरात देखील बुडाल्या आहेत. कोल्हापूर जिल्ह्यातील सुमारे 1 लाख 59 हजार 783 व सांगली जिल्ह्यातील 1 लाख 24 हजार 822 ग्राहकांचा वीजपुरवठा पुरामुळे ठप्प झालेला आहे.

महावितरणचे अधिकारी, अभियंते व सर्व वीज कर्मचारी यंत्रणा वाचविण्यासाठी जोखीम पत्करुन अहोरात्र झटत आहेत. कोल्हापूर जिल्ह्यातील 1) दुधाळी, 2) नागाळा पार्क, 3) गांधीनगर, 4) बापट कॅम्प, 5) शुगरमील, 6) कांचनवाडी, 7) राशिवडे, 8) राधानगरी, 9) वाळवा, 10) हासणे, 11) धामोड, 12) आवाडे मऴा, 13) शिरदवाड, 14) तुडिये, 15) शिर्टी ही वीज उपकेंद्रे बंद असल्यामुळे त्यावर अवलंबून असलेल्या बहुतांश वीज ग्राहकांना याचा फटका बसला आहे.

कोल्हापूर प्रमाणे सांगली जिल्ह्यातील परिस्थितीही अत्यंत गंभीर बनली आहे. सांगली जिल्ह्यातील 1) शेरीनाला, 2) बालाजी मंदीर, 3) दूधगाव, 4) क. पिरान, 5) क. घाट, 6)  खटाव, 7) ब्रम्हनाळ, 8)  माळवाडी, 9) पणुंब्रे, 10) मांगले, 11)  बाहे, 12)  येडेमच्छिंद्र, 13)  रेठरे हरणाक्ष, 14) मर्दवाडी ही उपकेंद्रे बुधवार अखेर बंद होती.

वीज उपकेंद्रातील अतिउच्चदाबाचे रोहित्र, कन्ट्रोल पॅनल, फिडर पॅनल, उपकेंद्राला येणाऱ्या व जाणाऱ्या वाहिन्यांना पुराचा तडाखा बसला आहे. पूर ओसरेपर्यंत वीज यंत्रणा चालू करता येत नाही. शिवाय ते धोक्याचेही आहे. वीज नसल्याने पूरग्रस्त भागातील जनजीवन विस्कळीत झाल्याची महावितरणला जाणीव आहे. मात्र, निसर्गाच्या प्रकोपापुढे मानवी उपाययोजना तोकड्या पडत आहेत. पूरग्रस्त भाग वगळता इतर भागात वीजपुरवठा सुरळीत ठेवला जात आहे. जनतेने अर्थात वीजग्राहकांनी वीज यंत्रणेच्या मर्यादा व जोखीम लक्षात घेऊन महावितरणला सहकार्य करावे असे आवाहन महावितरण कोल्हापूर परिमंडलातर्फे करण्यात येत आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com