नशेत पत्नीचा खून करणाऱ्याला जन्मठेप

Life Imprisonment In Wife Murder Case
Life Imprisonment In Wife Murder Case

कोल्हापूर -दारूच्या नशेत पत्नीला मारहाण करून निर्दयपणे तिचा खून करणाऱ्या रामचंद्र दत्तात्रय पोवार याला न्यायालयाने जन्मठेप आणि दोन हजार रुपये दंडाची शिक्षा सुनावली. अतिरिक्त सत्र न्यायाधीश बी. डी. शेळके यांनी हा निकाल दिला. 

खटल्यात १४ साक्षीदारांची साक्ष झाली. सरकारी पक्षाकडून ॲड. विवेक शुक्‍ल यांनी काम पाहिले. कागल तालुक्‍यातील भडगाव येथे १३ जुलै २०१८ मध्ये ही घटना घडली होती. सरकारी वकिलांनी दिलेल्या माहितीनुसार, रामचंद्र याच्या दारू पिण्यावरून तो आणि पत्नी दीपाली यांच्यात वारंवार खटके उडत होते.

2018 मधील घटना

१३ जुलै २०१८ रोजी रात्री त्यांच्यात जोरदार भांडण झाले. भांडणाचा आवाज घराबाहेर येत होता, मात्र हा रोजचाच प्रकार असल्याने गावकऱ्यांनी त्यांच्याकडे दुर्लक्ष केले. दुसऱ्या दिवशी सकाळी ६ वाजता रामचंद्र पत्नीचा मृतदेह घेऊन गावातील पांडुरंग खतकर यांच्या घरासमोरील कट्टयावर बसून होता. आपण काल रात्री पत्नीला मारहाण केली, त्यात तिचा मृत्यू झाला, असे तो गावकऱ्यांना सांगत होता. या प्रकाराची माहिती पोलिसपाटील भारमल यांनी मुरगूड पोलिस ठाण्यात दिली. मुरगूड पोलिस ठाण्यात रामचंद्र याच्यावर खुनाचा गुन्हा दाखल करण्यात आला. 

खटल्यात १४ जणांची साक्ष

तत्कालीन सहायक पोलिस निरीक्षक व्ही. एन. दराडे यांनी तपास केला. आरोपपत्र दाखल केल्यानंतर अतिरिक्त सत्र न्यायाधीश बी. डी. शेळके यांच्या न्यायालयात सुरू झाले. खटल्यात १४ जणांची साक्ष तपासण्यात आली. खुनाचा प्रयत्यक्षदर्शी कोणी नसल्याने परिस्थितीजन्य पुरावे आणि सरकारी वकील शुक्‍ल यांनी केलेला युक्तिवाद ग्राह्य मानून न्यायालयाने रामचंद्र पोवार याला जन्मठेप आणि दोन हजार रुपये दंडाची शिक्षा सुनावली. दंड न भरल्यास दोन महिन्यांची साधी कैद दिली गेली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com