तो मारतो बैठका ; पाठीवर ७० किलोचे पोते घेऊन ( व्हिडीओ )

Man Pick Up A Pepper Vessel Weighing 5 kg Without The Use Of A Hand.
Man Pick Up A Pepper Vessel Weighing 5 kg Without The Use Of A Hand.

बेळगाव - ओझे उचलणे हे नेहमीच कष्टाचे काम. त्यासाठी स्वत:च्या हातांबरोबरच कधीकधी इतरांचीही मदत लागते. पण, बेळगाव कृषी उत्पन्न बाजार समिती (एपीएमसी) भाजी मार्केटमधील एका हमालाने इतरांचा तर सोडा स्वत:च्या हातांचाही वापर न करता ७० किलो वजनाचे मिरचीचे पोते उचलण्याची किमया केली आहे. त्याचा वजन उचलण्यासंबंधीचा व्हिडिओ सध्या सोशल मीडियावर चांगला व्हायरल झाला आहे.या कामगिरीबद्दल त्याचे उत्स्फूर्त कौतुक होत आहे.

असे केले आव्हान पार

सोमवारी नेहमीप्रमाणे एपीएमसी भाजी मार्केटमध्ये बाजार भरला होता. अनेक शेतकऱ्यांनी बटाटे, रताळी, मिरची आदी माल विक्रीसाठी आणला होता. वाहनातील माल हमालांनी खाली केला. यावेळी एपीएमसी भाजी मार्केटच्या सी-ब्लॉकमध्ये हमालांनी मजेमजेत मिरचीचे ७० किलोचे पोते हात न लावता कोण उचलेल, याबाबत पैज लावली. शिवाजी सावंत यांनी ते आव्हान स्वीकारले. एवढ्यावरच न थांबता एका दमात हात न लावता केवळ दोन मिनिटातच ते पोते उचलले. पोते उचलल्यानंतर त्यांनी ते घेऊन दोन बैठकाही मारल्या. यानंतर सर्वांनी त्यांच्या या कामगिरीला टाळ्या वाजवून दाद दिली.

 आधी ही केलाय हा प्रयोग

शिवाजी सावंत भाजी मार्केटमध्ये १९८३ पासून कार्यरत आहेत. यापूर्वी त्यांनी दोनवेळा हात न लावता पोते उचलले होते. तसेच दोन दिवसांपूर्वी त्यांनी हा प्रयोग केला होता. सोमवारी पुन्हा त्यांनी हात न लावता पोते उचलले. 

आपण १९८३ पासून भाजी मार्केटमध्ये काम करत आहे. यापूर्वी दोनवेळा हात न लावता पोते उचलले आहे. दोन्हीवेळा यशस्वी झालो आहे. आजची ही तिसरी वेळ होती. मजेमजेत ही पैज लागली अन्‌ जिंकली.
- शिवाजी सावंत, हमाल

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com