सोलापूर : सहकारमंत्री सुभाष देशमुख यांनी सोलापूर दक्षिण विधानसभा मतदारसंघातून आज (ता.03) आपला उमेदवारी अर्ज दाखल केला. उमेदवारी दाखल करण्यापूर्वी रॅलीच्या माध्यमातून शक्तीप्रदर्शन करण्याऐवजी त्यांनी आज विजय संकल्प मेळावा घेतला. उमेदवारी अर्ज दाखल करताना महायुतीचे नेते उपस्थित होते.
सहकारमंत्री देशमुख दुपारी एकच्या सुमारास आपला अर्ज दाखल करण्यासाठी दक्षिण सोलापूर तहसील कार्यालयात आले. त्यांच्यासोबत भाजपचे जिल्हाध्यक्ष शहाजी पवार, खासदार डॉ. जयसिद्धेश्वर महास्वामी, शिवसेनेचे जिल्हाप्रमुख गणेश वानकर, शहरप्रमुख हरिभाऊ चौगुले, भाजपचे तालुकाध्यक्ष रामप्पा चिवडशेट्टी, रिपाईचे तालुकाध्यक्ष ऍड. सिद्धार्थ गायकवाड यांच्यासह काही कार्यकर्ते उपस्थित होते.
निवडणूक निर्णय अधिकारी ज्योती पाटील यांच्याकडे अर्ज दाखल करताना उमेदवारांसह केवळ पाच जणांना प्रवेश देण्यात आला होता. उमेदवारी अर्ज दाखल करून आल्यानंतर त्यांनी माध्यमांशी संवाद साधला.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.