बेळगाव : कामगारविरोधी धोरणासाठी 'जिल्हाधिकारी कार्यालयावर' मोर्चा

बेळगाव शहर व परिसरातील सुमारे २ हजार कामगारांनी मोर्चात सहभाग दर्शविला होता
कामगार मोर्चा
कामगार मोर्चाsakal

बेळगाव : कामगारविरोधी धोरणासह खासगीकरणाच्या निषेधार्थ पुकारण्यात आलेल्या दोन दिवसीय संपाच्या दुसऱ्या दिवशी मंगळवारी (ता. २९) शहरात मोर्चा काढून जिल्हाधिकारी एम. जी. हिरेमठ यांना निवेदन देण्यात आले. तसेच मागण्या मान्य करण्याची विनंती करण्यात आली. बेळगाव शहर व परिसरातील सुमारे २ हजार कामगारांनी या मोर्चात सहभाग दर्शविला होता.

विविध मागण्यांसाठी कामगारांनी सोमवारी (ता.२८) व मंगळवारी (ता.२९) असा दोन दिवस देशभर संप पुकारला. यामध्ये पोस्ट, अंणवाडी, बीएसएनएल, बँक, मेडिकल रिप्रझेंटेटीव्ह, एपीएमसी व्यापारी,सीआयटीयु, केएसआरटीसी कर्मचारी, आशा कार्यकर्ता आदींनी बंद ठेवून सहभाग घेतला होता. डॉ. बाबासाहेब आंबेडकर उद्यानात डॉ. आबेडकर यांच्या पुतळ्याला पुष्पहार अर्पण करून मोर्चाला सुरुवात झाली. त्यानंतर जिल्हाधिकारी कार्यालयात जिल्हाधिकाऱ्यांना निवेदन देण्यात आले. यावेळी जिल्हाधिकारी हिरेमठ यांनी, तुमचे निवेदन सरकारला पाठविले जाईल. तुमच्या मागण्या योग्य आहेत. असे वाटते. याचा सरकार नक्की विचार करेल असा विश्‍वास दिला.

या आंदोलनाच्या माध्यमातून विविध मागण्या करण्यात आल्या. केंद्र सरकारने सर्वच क्षेत्राचे खासगीकरण सुरु केले आहे. यामुळे भविष्यात नागरीकांना अडचणी येणार आहेत. तसेच केंद्र व राज्य सरकार नेहमी शेतकरी विरोधी भूमिका घेत आहे. यामुळे सरकारने खासगीकरण रद्द करावे तसेच महागाईवर अंकुश ठेवावा आदी घोषणा यावेळी करण्यात आल्या. या आंदोलनात महागाई हा मुद्दा महत्वाच्या स्थानी होता. गेल्या काही दिवसांपासून मोठ्या प्रमाणात महागाई वाढत आहे. त्यामुळे महागाईवर अंकुश ठेवावा. तसेच खासगी कंपन्यातील खासगीकरण रोखा, कंत्राटदारी पद्धत बंद करा. नवीन पेन्शन योजना रद्द करून जुनी पेन्शन योजना लागु करा, बीएसएनएल वाचवा यासाठी ४ जी सुविधा सुरु करा, पोस्टाचे खासगीकरण करू नका, औषधांच्या भयानक किमती वाढल्या आहेत. त्या कमी करा आदी मागण्यांचे निवेदन जिल्हाधिकाऱ्यांकडे देण्यात आले. यावेळी ॲड. नागेश सातेरी, सी. व्ही. खराडी, जी. एन. जैनेखान, एल. एस. नायक, जी. व्ही. कुलकर्णी, यल्लुबाई शिगिहळ्ळी, सी. एस. बिदनाळ आदी उपस्थित होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com