Vidhan Sabha 2019 : सरकारने शेतकऱ्यांना देशोधडीला लावले : खा. कोल्हे

हुकूम मुलाणी
गुरुवार, 10 ऑक्टोबर 2019

- गेल्या पाच वर्षांत विद्यमान सरकारने शेतकरी, कष्टकरी तरुण, महिला कामगार यांना देशोधडीला लावण्याचे काम केले. 

मंगळवेढा : गेल्या पाच वर्षांत विद्यमान सरकारने शेतकरी, कष्टकरी तरुण, महिला कामगार यांना देशोधडीला लावण्याचे काम केले. जातीपातीत भांडणं लावून स्वतःची राजकीय पोळी भाजून घेण्याचा प्रयत्न पुरोगामी महाराष्ट्राने उधळून लावला, असे खासदार डॉ. अमोल कोल्हे यांनी सांगितले. 

राष्ट्रवादी काँग्रेस उमेदवार भारत भालके यांच्या प्रचारार्थ जाहीर सभेत बोलत होते. यावेळी व्यासपीठावर प्रदेशाध्यक्षा रूपाली चाकणकर, उमेश पाटील, समाधान फाटे, महिला जिल्हाध्यक्ष अनिता नागणे, विष्णुपंत बागल, विजयसिंह देशमुख, किरण घाडगे, युवराज पाटील, विजयकुमार खवतोडे, भारत बेदरे, लतीफ तांबोळी यांच्यासह काँग्रेस राष्ट्रवादीचे नगरसेवक उपस्थित होते.

आम्हाला विरोधीपक्षाची सत्ता द्या; राज ठाकरेंचे आवाहन

कोल्हे म्हणाले, रयतेचे राज्य स्थापन करण्यासाठी छत्रपती शिवाजी महाराजांनी जी भूमिका घेतली तोच विचार राष्ट्रवादी काँग्रेस पक्ष राबवत आलेला असून, या निवडणुकीतून जनता पुरोगामी महाराष्ट्राला काँग्रेस-राष्ट्रवादीचे सरकार आणल्याशिवाय स्वस्थ बसणार नाही. मंगळवेढा ही संतांची भूमी आहे. अन्यायाची चीड आणि सत्याची चाड धरणारी ही समोरील गर्दी बघता भारत नाना भालके यांच्या प्रचार सभेला नसून, विजयसभेला आल्याचे वाटत आहे. मंगळवेढा भूमीत येण्याचे भाग्य लाभले आणि पावसाने जंगी स्वागत केले, हे शेतकर्‍यांचे कल्याणच आहे.

आवाज बंद करण्यास माझे विरोधक उतावीळ : राहुल गांधी

भालके जनतेच्या मनातील उमेदवार असून, त्यांचे कार्यकर्तृत्व आभाळाएवढे आहे. म्हणूनच आज आभाळातून पाणी पडत आहे. हा विजयाचा शुभ संकेत आहे.

महिला प्रदेशाध्यक्ष रूपाली चाकणकर म्हणाल्या, महिलांविषयी बेताल वक्तव्य करणाऱ्या भाजप उमेदवारांना महिलांनी योग्य जागा दाखवावी.

उमेदवाराने थेट बाँड पेपरवर दिला राजीनामा

प्रास्ताविक स्वाभिमानी शेतकरी संघटनेचे जिल्हाध्यक्ष समाधान फाटे यांनी केले. यावेळी पांडुरंग चौगुले, महेश पवार, यशवंत खताळ आदींनी मनोगत व्यक्त केले. सूत्रसंचालन भारत मुढे यांनी तर आभार अजित यादव यांनी मानले.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: MP Amol Kolhe Criticizes BJP Government Maharashtra Vidhan Sabha