श्रीगोंद्यातील ZP शाळा रात्री कोसळली; आज गावकऱ्यांचे रास्ता रोको

श्रीगोंदे जिल्हा परिषद शाळा कोसळली
श्रीगोंदे जिल्हा परिषद शाळा कोसळली

श्रीगोंदे (जिल्हा नगर) : जिल्ह्यातील निंबोडी येथील शाळा इमारत पडल्याने तीन मुलांचा जीव गेल्याची घटना ताजी असतानाच मंगळवारी रात्री घारगाव (ता. श्रीगोंदे) येथील प्राथमिक शाळेच्या काही खोल्या कोसळल्या.

गावकऱ्यांनी ही इमारत धोकादायक असल्याचे वारंवार कळविले मात्र प्रशासनाने दुर्लक्ष केले. या खोल्या रात्री पडल्याने सुदैवाने जीवितहानी झाली नाही. दरम्यान प्रशासनाविरोधात गावकरी आज रास्तारोको आंदोलन करणार आहेत.

शाळा इमारत पडल्याने घारगाव येथील पालक अस्वस्थ झाले आहेत. तेथील गावकऱ्यांनी काही दिवसांपासून प्रशासनाला निवेदने देऊन शाळेची दुरवस्था कळविली होती. शाळेची इमारत स्वातंत्रपुर्व बांधली असल्याने ती धोकादायक बनली असतानाही संबधीत त्याकडे दुर्लक्ष करीत आहेत. पंचायत समितीत अनेकवेळा पाठपुरावा करुनही उपयोग झाला नसल्याने शाळा बंद ठेवण्याचा इशारा दिला होता. अनेक वर्षात घारगावात केवळ एकच खोली नव्याने बांधण्यात आली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com