कुडाळ (ता. जावळी) ः आमदार शिवेंद्रसिंहराजे भोसले हे कुडाळ येथे आज (सोमवार) सायंकाळी एका कार्यक्रमा निमित्त आले होते. कार्यक्रम संपल्यानंतर माध्यमांच्या प्रतिनिधींना त्यांना गाठून भारतीय जनता पक्षातील प्रवेशाबाबत छेडले. त्यावर शिवेंद्रसिंहराजेंनी "वेट ऍन्ड वॉच' असे म्हटले.
पुण्यात रविवारी (ता.28) राष्ट्रवादी कॉंग्रेसचे अध्यक्ष शरद पवार यांनी शिवेंद्रसिंहराजे राष्ट्रवादीतच आहेत असे स्पष्ट केले होते. त्यावर शिवेंद्रसिंहराजे म्हणाले माझे वडील पवार साहेबांच्या बरोबर राजकारणात होते.
आमच्या राजकीय कारकिर्दीत साहेबांचे योगदान आहे. परंतु देशातील व राज्यातील सद्यपरिस्थितीचा विचार करता पूढे काय होणार याचा ही आम्हांला विचार करणे आवश्यक आहे. माझ्याकडून जनतेच्या अपेक्षा आहेत. त्यापुर्ण होणे आवश्यक आहे. अन्यथा मी देखील काम करीत नाही असे जनतेचे मत होईल. माझ्या मतदारसंघाचा जेथे फायदा असेल तसा मी निर्णय घेईन असे शिवेंद्रसिंहराजेंनी नमूद केले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.