पंतप्रधानांच्या अभिनंदनाचा पेमगिरीमध्ये फलक

पेमगिरी (जि. नगर) - भ्रष्टाचारमुक्तीसाठी चलनातून पाचशे व एक हजारच्या नोटा बंद केल्याबद्दल पंतप्रधान नरेंद्र मोदी यांचे अभिनंदन करणारा गावकऱ्यांनी लावलेला फलक.
पेमगिरी (जि. नगर) - भ्रष्टाचारमुक्तीसाठी चलनातून पाचशे व एक हजारच्या नोटा बंद केल्याबद्दल पंतप्रधान नरेंद्र मोदी यांचे अभिनंदन करणारा गावकऱ्यांनी लावलेला फलक.

आश्‍वी (जि. नगर) - संगमनेर तालुक्‍यातील पेमगिरीच्या गावकऱ्यांनी पंतप्रधानांचे अभिनंदन करणारा भव्य फलक लावला आहे. चलनातून पाचशे व एक हजारच्या नोटा बाद करण्याच्या निर्णयाबद्दल गावकऱ्यांनी त्यांचे अभिनंदन केले आहे!

प्रचंड वटवृक्षामुळे पेमगिरी प्रसिद्ध आहे. तेथील सर्वसामान्य माणसांनी गावातील मोठ्या व वर्दळीच्या चौकात फलक लावून पंतप्रधानांचे अभिनंदन केले आहे. मोदी यांचे छायाचित्र असलेल्या या फलकावर लिहिले आहे, "भ्रष्टाचामुक्तीसाठी 500 व 1000 रुपयांच्या चलनी नोटा बंद केल्यामुळे मा. पंतप्रधान मोदीजींचे हार्दिक आभार!' फलकाच्या खाली "समस्त कष्टकरी शेतकरी, गोरगरीब ग्रामस्थ, पेमगिरी' असा उल्लेख आहे.

या नोटा चलनातून बाद केल्यानंतर अनेक चांगल्या-वाईट प्रतिक्रिया उमटल्या आहेत. बॅंकांच्या दारातील रांगा, "एटीएम'मधील खडखडाट, बाजारपेठेत मंदी, असे चित्र दिसत आहे. ग्रामीण भागातील सर्वसामान्य माणूस व शेतकरी काहीसा अस्वस्थ होता. हळूहळू परिस्थिती पूर्वपदावर येत असल्याने, याच्या इतर पैलूंची व आगामी परिणामांची चर्चाही होत आहे. या निर्णयामुळे भ्रष्टाचार नष्ट होईल, अशीच आशा ग्रामीण जनतेला असल्याचे फलकावरून दिसते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com