कऱ्हाडच्या कार्वे नाका परिसरात चार घरफोड्या 

कऱ्हाड : शहराजवळील कार्वे नाका परिसरातील अज्ञात चोरट्यांनी काल चार घरे फोडली. सोन्या-चांदीच्या दागिन्यांसह रोख रक्कम व अन्य काही साहित्य संबंधित चोरट्यांनी चोरले. याबरोबर 2 दुचाकीही चोरून नेल्या. एकाच वेळी चार ठिकाणी घरफोडी झाल्याने शहरात खळबळ उडाली आहे. 

कराड शहरालगत असलेल्या कार्वे नाका परिसरातील किरण देसाई, बी आर पाटील, श्री बनसोडे व जलील शेख यांची घरे चोरट्यांनी फोडली. चोरट्यांनी घरातील कपाटातील साहित्य अस्ताव्यस्त फेकले होते.

दरम्यान, शहराजवळच एकाच रात्रीत चार घरफोड्या झाल्याने खळबळ उडाली आहे. घटनास्थळी कराडचे पोलिस उपअधीक्षक नवनाथ ढवळे, कराड शहर पोलिस निरीक्षक सर्जेराव गायकवाड, गुन्हे प्रकटीकरण शाखेचे प्रमुख स्वप्नील लोखंडे यांच्यासह पोलिस कर्मचारी दाखल झाले आहेत.