कारखानदार, खासदार संघटनेचे मॅच फिक्‍सिंग - सदाभाऊ खोत

माजगाव - लोकसभा निवडणूक डोळ्यांसमोर ठेवून कारखानदार व खासदार संघटनेचे मॅच फिक्‍सिंग आहे, असा आरोप करीत शेतकऱ्यांना एफआरपीची रक्कम व्याजासहित देण्यास भाग पाडू. शेतकऱ्यांची दिशाभूल थांबवा, असे आवाहन कृषी राज्यमंत्री सदाभाऊ खोत यांनी केले. 

आळवे (ता. पन्हाळा) येथे विकासकामांच्या उद्‌घाटन प्रसंगी ते बोलत होते. अध्यक्षस्थानी सरपंच वर्षाताई गायकवाड होत्या. दरम्यान, उत्रे व आळवे गावातील विविध विकासकामांचे  उद्‌घाटन खोत यांच्या हस्ते झाले. 

खोत म्हणाले, ‘‘कारखानदारांनी इथेनॉल निर्मितीसाठी प्रयत्न करावा व शेतकऱ्यांना योग्य मोबदला द्यावा. तसेच शेतकऱ्यांना उर्वरित २० टक्के रक्कम व्याजासहित द्यावी, असे आपण मुख्यमंत्र्यांना सूचित केले आहे.’

उपसभापती संजय माने, शंकर काशीद, पृथ्वीराज सरनोबत, उत्तम धुमाळ, प्राचार्य एन. डी. चौगले, सरपंच रंगुताई मगर उपस्थित होते.