सांगली : महिलेची छेड काढल्याच्या रागातून अंकलीत एकाचा खून 

सांगली :  महिलेची छेड काढल्याच्या रागातून अंकलीत एकाचा खून 

सांगली - महिलेची छेड काढल्याच्या रागातून बांधकाम कामगाराचा गळा दाबून खून करण्यात आला. बाळू उर्फ विकी मधुकर मलमे (वय 20, निलजी - बामणी, ता. मिरज), असे त्याचे नाव आहे. अंकलीतील शेतात आज दुपारी मृतदेह मिळाला. त्यानंतर तातडीने पोलिसांनी दोघा संशयितांना ताब्यात घेतले. पवन शीतल मलमे, किरण विजय मलमे (दोघेही इनाम धामणी) अशी त्यांची नावे आहेत. 

पोलिसांनी माहिती दिली, की बाळू मलमे बांधकाम कामगार होता. निलजी-बामणी (ता. मिरज) येथे राहत होता. संशयित पवन आणि किरण याची त्याच्याशी ओळख होती. बाळूने काही दिवसांपूर्वी एका महिलेची छेड काढली. त्यावेळी पवन आणि किरण यांनी समजावून सांगितले. असा प्रकार दोन वेळा झाला. दुसऱ्यावेळीही समजावून सांगितले. पुन्हा तसा प्रकार घडल्याने त्याला संपवण्याचा कट रचला गेला. शुक्रवारी (ता.13) दोघे दुचाकीवरून त्याच्याकडे आले. बाळूलाही गाडीवर बसवून दारू पिण्यास गेले. अंकली (ता. मिरज) येथील शेतात घेऊन गेले. तेथे याच विषयावरून जोरदार वादावादी झाली. वाद टोकाला गेल्यानंतर बाळूचा गळा दाबून खून करण्यात आला. नंतर दोघा संशयितांनी पळ काढला. 

दरम्यान, शुक्रवार (ता. 13) पासून बाळू बेपत्ता असल्याने त्याचा चूलत भाऊ अतुल संभाजी मलमे यांनी ग्रामीण पोलिस ठाण्यात फिर्याद दिली. त्यानुसार बेपत्ता झाल्याची फिर्याद दाखल करण्यात आली. तीन दिवस मृतदेह शेतात असल्याने मोठ्या प्रमाणावर वास येत होता. त्यानंतर पोलिसांना कळवण्यात आले. पोलिसांनी घटनास्थळी धाव घेतली. उत्तरीय तपासणीसाठी मृतदेह शासकीय रुग्णलयात नेण्यात आला. गळा दाबून खून केल्याचे प्राथमिक तपासात पुढे आले. खुनाची घटना उघडकीस आल्यानंतर ग्रामीण पोलिसांनी तातडीने तपासाची सुत्रे हलवली. संशयितांना ताब्यात घेतले आहे.  
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com