करमाळ्यात नारायण पाटील आणि 'वंचित'च्या कार्यकर्त्याला मारहाण 

सोलापूर : दहिवली (ता. माढा) येथे अपक्ष आमदार जिल्हा परिषद अध्यक्ष संजय शिंदे यांच्या कार्यकर्त्यांनी अपक्ष उमेदवार नारायण पाटील यांच्या मतदान प्रतिनीधीला मतदान केंद्रातच मारहाण केली आहे. याबाबत संबंधीतीवर गुन्हा दाखल करण्याण्याची मागणी अपक्ष उमेदवार नारायण पाटील यांच्या कार्यकर्त्यांनी केला आहे. यावेळी वंचीत आघाडीचे उमेदवार अतुल खुपसे यांच्या कार्यकर्त्यांलाही मारहाण करण्यात आली असल्याचे खुपसे यांनी सांगितले आहे

अपक्ष उमेदवार नारायण पाटील आणि संजय शिंदे यांच्या कार्यकर्त्यांमध्ये बाचाबाची झाली नंतर मारहाण झाली आहे. संजय शिंदे यांच्या कार्यकर्त्यांनी मारहाण केल्याचा नारायण पाटील यांच्या कार्यकर्त्यांनी आरोप केला आहे. या मारहाणी नंतर मतदान केंद्रावर नारायण पाटील तात्काळ हजर झाले.

संजय शिंदे यांच्या कार्यकर्त्यांची दडपशाही सुरू असल्याचा आरोप करत नारायण पाटील यांच्या कार्यकर्त्यांनी मतदान प्रकिया थांबविली होती. पण प्रशासनाने योग्य वेळी हस्तक्षेप केल्यामुळे मतदान सुरू झाले आहे.

दहिवली हे गाव माढा तालुक्यात असले तरी ते करमाळा विधानसभा मतदार संघात आहे. शिवसेनेचे विद्यमान आमदार नारायण पाटील यांना शिवसेना पक्षाने उमेदवारी नाकारल्या मुळे ते अपक्ष निवडणूक लढवीत आहेत. तसेच संजय शिंदे हे देखील अपक्ष निवडणूक लढवीत आहेत..