श्रीगोंद्यात अपघातात दोघांचा जागीच मृत्यु

श्रीगोंदे - शिरुरवरुन पारगावसुद्रीक या गावी येणाऱ्या अक्षय अंकुश खेतमाळीस (वय २१) व संदीप मधूकर खेतमाळीस (वय २०) दोघेही तरुण अपघातात ठार झाले. अज्ञात वाहनाने त्यांच्या मोटारसायकलला शिरुर- बेलवंडी रस्त्यावरील पिंप्रीकोलंदर गावाजवळ धडक दिल्याने हा अपघात आज पहाटे झाला. 

याप्रकरणी बेलवंडी येथील संजय डाके यांनी फिर्याद दिली आहे. अक्षय व संदीप खेतमाळीस हे शिरुरवरुन त्यांच्या गावी चालले असताना त्यांच्याकडील मोटारसायकलला अज्ञान वाहनाने धडक दिल्याने ते रस्त्याच्या कडेला जावून पडले. 

पहाटे लोकांची वर्दळ नसल्याने त्यांचा जागीच मृत्यु झाला. याप्रकरणी बेलवंडी पोलिसांनी अज्ञात वाहनचालकाविरुध्द गुन्हा दाखल केला असून, या घटनेचा तपास सहाय्यक फौजदार कैलास देशमुख करीत आहेत.