Anant Chaturdashi 2022 : लोप पावलेल्या कलांचे सादरीकरण करून केले गणेश विसर्जन

मोहोळ : सार्वजनिक गणेशोत्सव मंडळ बहुरूपी वस्ती टाकळी सिकंदर ता मोहोळ जिल्हा सोलापूर येथील बहुरूपी समाजाच्या कलाकारांनी गणपती विसर्जन प्रसंगी पारंपारिक रामायणा मधील जिवंत रामलीला, हनुमान लीला, रावण लीला आदी देखाव्याचे सादरीकरण केले. बहुरूपी समाजातील कलाकारांनी विसर्जन मिरवणुकी दरम्यान मोठ्या उत्साहात सादर केलेले बहुरूपी वस्ती ते टाकळी सिकंदर शिवाजी चौक येथे सदर समाजातील कलाकारांनी सादर केलेली कला पाहण्यासाठी भीमा परिसरातील गणेश प्रेमी मोठ्या संख्येने उपस्थित होते.

जुन्या काळातील लोप पावत चाललेली ही कला टाकळी सिकंदर येथील बहुरूपी समाज मोठ्या तन्मयतेने जोपासत आहे. याप्रसंगी सादर केलेल्या रामलीला देखाव्याचे उद्घघाटन भारतीय जनता पार्टीचे तालुकाध्यक्ष सुनील चव्हाण यांच्या हस्ते करण्यात आले. या प्रसंगी बहुरूपी समाजाचे नेते शिवाजी इपोळे ,कृष्णा सूर्यवंशी ,प्रताप इपोळे, इपोळे गुरुजी,कलापा विभूते, बाळु सोनटकके ,बापुसाहेब कापसे आदी उपस्थीत होते.