तीन दिवसांपासून मांजात अडकला होता पिंगळा! 

Spotted owlet was stuck for three days in Manja
Spotted owlet was stuck for three days in Manja

सोलापूर : रेवण सिद्धेश्‍वरनगर परिसरात विजेच्या तारेला गुंडाळलेल्या पतंगाच्या मांजात तीन दिवसांपासून अडकलेल्या पिंगळा पक्ष्याची वन्यजीव प्रेमींनी सुटका केली. 

अमोल जमादार यांनी वन्यजीवप्रेमी संस्थेचे प्रमुख मुकुंद शेटे यांच्याशी संपर्क साधून पिंगळा मांजामध्ये अडकल्याचे सांगितले. तत्काळ वन्यजीवप्रेमी संस्थेचे सदस्य मुकुंद शेटे, सुनील अरळ्ळीकट्टी, निकंदन जंगम, मल्लिकार्जुन धुळखेडे व ऍनिमल राहतचे अजित मोटे, भीमाशंकर विजापुरे यांनी धाव घेतली.

वीजपुरवठा खंडित करण्यासाठी महापारेषणचे उपकार्यकारी अभियंता अमेय केत यांच्याशी संपर्क साधला. त्यांनी तत्काळ अभियंता कुंभार यांचा मोबाईल नंबर दिला. 15 मिनिटांतच महावितरणचे कर्मचारी घटनास्थळी दाखल झाले. महानगरपालिकेचे अभियंता परदेशी यांनी विजेच्या तारेपर्यंत पोचण्यासाठी बास्केट गाडी पाठवून दिली. वीजपुरवठा खंडित केल्यानंतर बचाव मोहिमेस सुरवात झाली. बास्केटमध्ये थांबनू भीमाशंकर विजापुरे पिंगळा पक्ष्यापर्यंत पोचले. पतंगाचा मांजा पिंगळा पक्ष्याभोवती गुंडाळला गेला होता. कात्रीने मांजा कापून पिंगळा पक्ष्याची सुटका करण्यात आली. पुढील उपचारासाठी पिंगळा पक्ष्याला ऍनिमल राहतच्या पथकाकडे स्वाधीन करण्यात आले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com