मोहोळ : तालुक्यासाठी 30 हजार मेट्रिक टन रासायनिक खताची मागणी

Thirty thousand metric tonne chemical fertilizers demand for Mohol taluka
Thirty thousand metric tonne chemical fertilizers demand for Mohol taluka

मोहोळ : मोहोळ तालुका पंचायत समितीच्या कृषी विभागाने रब्बी हंगामाची तयारी सुरू केली असून, तालुक्यासाठी 30 हजार मेट्रिक टन विविध रासायनिक खताची मागणी केल्याची माहिती, पंचायत समितीचे कृषी अधिकारी आर. एन. माळी यांनी दिली.

मोहोळ तालुका तसा खरिपाचा परंतू उजनी डावा कालवा, आष्टी जलाशय, सीना नदी यासह अन्य पाणी स्तोत्रामुळे बागायत वाढले आहे. भीमा, जकराया व लोकनेते या तीन साखर कारखान्यामुळे उसाचे क्षेत्र वाढीस लागली आहे. तर द्राक्ष, डाळिंब, लिंबोनी, केळी, बोर आदी फळबागा चे क्षेत्र मोठ्या प्रमाणात वाढले आहे, त्यामुळे वरिष्ठाकडे रासायनिक खतांची मागणी केली असल्याचे माळी यांनी सांगितले. रासायनिक खताच्या वाढत्या दरामुळे शेतकऱ्यांचा ती खरेदी करण्याकडे कल कमी झाला आहे. त्यामुळे गाव खताला पुन्हा मागणी वाढली आहे.

तालुका कृषी अधिकारी माळी यांनी शेतकऱ्यांना भेसळयुक्त खते मिळू नयेत, त्यांची फसवणूक होऊ नये यासाठी युरिया, डायअमोनियम फॉस्फेट, 15 15 15 व मॅग्नेशियम सल्फेट या खतांचे नमुने घेऊन ते प्रयोगशाळेकडे तपासणीसाठी पाठविले आहेत. प्रयोगशाळेचा अहवाल प्राप्त होताच, संबंधित दुकानदार व कंपनी यांच्यावर कारवाई करण्यात येणार असल्याचे माळी यांनी सांगितले.

तालुक्यासाठी मागणी केलेली रासायनिक खते पुढीलप्रमाणे :

  • युरिया - 11 हजार मेट्रीक टन
  • डाय अमोनियम फॉस्पेट - 10 हजार 800 मेट्रीक टन 
  • म्यूरेट ऑफ पोटेश - 2 हजार 880 मेट्रीक टन 
  • सिंगल सुपर फॉस्पैट - 1 हजार 458 मेट्रीक टन 
  • अमोनियम सल्फेट - 200 टन 
  • कैलशिअम अमोनियम नायट्रेट - 153 मेट्रीक टन 
  • संयुक्त खते - 4 हजार मेट्रीक टन

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com