Vidhan Sabha 2019 : महाराष्ट्राला कळू दे तेल लावलेले मुख्यमंत्री कसे दिसतात

chief minister devendra fadnavis
chief minister devendra fadnavis

सांगली - मुख्यमंत्री देवेंद्र फडणवीस तेल लावून आपण लढाईसाठी तयार आहोत, असे सांगत आहेत. मग त्यांनी त्यांचा तेल लावलेला फोटो प्रसिद्ध करावा. महाराष्ट्राला कळू दे की तेल लावलेले मुख्यमंत्री फडणवीस कसे दिसतात, असा टोला राष्ट्रवादीचे प्रदेशाध्यक्ष जयंत पाटील यांनी लगावला. हे सांगताना त्यांना हसू आवरले नाही. 

येथे त्यांनी पत्रकार परिषद घेत विरोधकांचा समाचार घेतला. श्री. पाटील म्हणाले, मुख्यमंत्री म्हणत आहेत की, विरोधक तेल लावून तयार नाहीत. आम्ही जर तयार नाही. मग महाराष्ट्रात इतक्या सभा कशा होत आहेत. गृहमंत्री अमित शहा यांच्या सभेची गरज का वाटते ? २० ठिकाणी त्यांची सभा होते. पंतप्रधान यांच्या दहा ठिकाणी सभा घेत आहेत. आपल्याकडे मुलगा नापास झाला की त्याच्या आई-वडीलांना बोलवून घेतले जाते. तसे मुख्यमंत्री देवेंद्र फडणवीस महाराष्ट्रात नापास झाले आहेत. म्हणून त्यांचे वडीलधारी दिल्लीतून आले आहेत. ते गावोगावी फिरत आहेत.  

श्री. पाटील म्हणाले की, महाराष्ट्रात १६ हजार शेतकऱ्यांच्या आत्महत्या झाल्या आहेत. पेट्रोल डिझेल महागले आहे. बेकारी वाढली आहे. वस्त्रोद्योग बंद पडला आहे. अशा परिस्थितीमुळे राज्यात काँग्रेस - राष्ट्रवादीची सत्ता येणार हे निश्चित आहे. शरद पवार यांच्या विरोधात कट कारस्थान करणाऱ्या भाजप - शिवसेनेला धडा शिकवण्यासाठी जनता एकवटली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com