आटपाडी - गेले दोन दिवस तालुक्यात पावसाचा जोर आहे. या पावसाने तालुक्यातील ओढे दुथडी भरून वाहू लागले आहेत. जवळपास डझनभर पुल पाण्याखाली गेले आहेत. अठरा वर्षानंतर पुल पाण्याखाली गेले आहेत. आज मतदान असल्यामुळे आवळाई, शेटफळे आणी माळेवाडी येथे मतदानासाठी जाताना नागरिकांना मात्र कसरत करावी लागत आहे. वयोवृध्दानाही विशेष दक्षता घेऊन आणले जात होते. पाण्यातून मार्ग काढून अनेकांनी येथे मतदानाचा हक्क बजावला आहे.
यावषीॅ आटपाडी तालुक्यात सरासरी 525 मीमी पाऊस पडला आहे. बहुतांश ओढे- नाले पंधरा दिवसापासून वाहू लागले आहेत. काल दिवसभर पावसाच्या सरी थोड्या थोड्या विश्रांतीने कोसळत होत्या. या पावसामुळे गोमेवाडी - करगणी - शेटफळेचा ओढा दुथडी भरून वाहू लागला आहे.
आटपाडी ओढ्यासही पाणी वाढले आहे. खरसुंडी भागातीलही ओढयाचे पाणी वाढले आहे. शेटफळे येथील दोन्ही पुलावरून पाणी वाहू लागले आहे. माळेवाडी, आवळाई, करगणी - शेटफळे, करगणी - माळेवाडी, करगणी - तळेवाडी या पुलावरूनही पाणी वाहू लागले आहे. तळेवाडी गावालगतचा पुल वाहून गेला आहे. गोमावाडी, हिवतड येथीलही पुलावरून पाणी वाहू लागले आहे.
शिराळा तालुक्यात सर्वाधिक 67.8 मि.मी. पाऊस
दरम्यान, सांगली जिल्ह्यात कालपासून आज सकाळपर्यंत सरासरी 46.10 मि. मी. पावसाची नोंद झाली आहे. शिराळा तालुक्यात सर्वाधिक 67.8 मि. मी. पावसाची नोंद झाली आहे.
गेल्या चोविस तासात तालुक्यात झालेला पाऊस
कालपासून आज सकाळपर्यंत झालेल्या पावसाची तालुकानिहाय आकडेवारी अशी - (कंसात एक जुनपासून आतापर्यंत झालेल्या पावसाची आकडेवारी मि.मी.मध्ये)
मिरज 31 (766.2), जत 31.8 (438.1), खानापूर-विटा 39.4 (692), वाळवा - इस्लामपूर 51.5 (946.9), तासगाव 48.5 (667.8), शिराळा 67.8 (2072.2), आटपाडी 54.3 (578.8), कवठेमहांकाळ 41 (607.7), पलूस 53.5 (676.8) व कडेगाव 50 (1023.4).
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.