धवलसिंह करणार राष्ट्रवादीत प्रवेश?

नातेपुते (सोलापूर) : डॉ. धवलसिंह प्रतापसिंह मोहिते पाटील यांनी रविवारी (ता.15) बारामतीमध्ये गोविंदबागेत जाऊन ज्येष्ठ नेते शरद पवार यांची भेट घेऊन बंद खोलीत अर्धा तास चर्चा केली. यामुळे ते राष्ट्रवादी कॉंग्रेसमध्ये प्रवेश करणार का या चर्चांना उधाण आले आहे. 

हे ही वाचा... अजित पवारांच्या रडारवर असणार आता `हे`

दरम्यान, पत्रकारांशी बोलताना धवलसिंह म्हणाले, तालीम संघाच्या अध्यक्षपदी पवार साहेबांची नियुक्ती झाल्याने मी त्यांचा सत्कार करण्यासाठी आलो होतो. माझ्यावर कुस्तीगीर परिषदेच्या उपाध्यक्षपदाची जबाबदारी आहे. देशपातळीवर राज्यातील मल्ल कसे खेळले जातील याविषयी चर्चा झाली. 

हे ही वाचा... आता देवेंद्र फडणवीस टार्गेट, पंकजा मुंडेना कोण देतेय साथ?

विधानसभा निवडणुकीत डॉ. धवलसिंह यांनी जनसेवा संघटनेची ताकद राष्ट्रवादीचे उमेदवार उत्तमराव जानकर यांच्या पाठीशी उभी केली. याद्वारे अकलुज व परिसरातून मते मिळवून दिल्याबद्दल श्री. पवार यांनी धवलसिंह यांचे कौतुक केले. हिवाळी अधिवेशनानंतर धवलसिंह यांचे लवकरच पुनर्वसन करू अशा शब्दात श्री. पवार यांनी संकेत दिल्याचे समजते. 

हे ही वाचा... कशाला मिसकाॅल करतोय....

सोलापूर जिल्ह्यात विशेषत: माळशिरस तालुक्‍यात विधानसभा निवडणुकीच्या काळात मला पुरेसे लक्ष देता आले नाही. परंतु येत्या काही दिवसात सगळे मिळून काम करू. राष्ट्रवादीला बळकटी आणू. यासाठी लवकरच मी अकलूजला येणार आहे, असे शरद पवार यांनी सांगितल्याचे श्री. धवलसिंह म्हणाले. 

डोळसही सोबत 
धवलसिंह मोहिते पाटील यांच्याबरोबर माळशिरस तालुक्‍याचे राष्ट्रवादीचे दिवंगत आमदार हनुमंतराव डोळस यांचे चिरंजीव संकल्प व त्यांच्या पत्नी उपस्थित होत्या. धवलसिंह व संकल्प डोळस एकत्रित पवारांना भेटल्याने माळशिरस तालुक्‍यात चर्चांना उधाण आले आहे.