महाबळेश्‍वर: वेण्णा लेक परिसरात हिमकणांची दुलई

winter in mahabaleshwar
winter in mahabaleshwar

महाबळेश्वर - येथील वेण्णा लेक तलाव व लिंगमाळा परिसराने आज (रविवार) हिमकणांच्या दुलाई अनुभव घेतला. वेण्णा तलावातील जेटी, गाड्यांवरचे टप हिमकणांनी, तर लिंगमळा परिसरातील स्ट्रॉबेरी, फराशीच्या व अन्य फळ- पालेभाज्यांच्या बागा, तसेच स्मृतिवन परिसर हिमकणांमुळे सकाळी पांढराशुभ्र दिसत होता.

हवामान खात्याच्या नोंदीनुसार, येथील आजचे किमान तपमान 12.6 अंश डिग्री सेल्सिअस होते. मळेधारकांच्या अनुभवानुसार वेण्णा लेक परिसरात आज शून्य अंश डिग्री सेल्सिअसपर्यंत कमी तपमान असण्याची शक्‍यता आहे. गेल्या दोन दिवसांपासून पर्यटनस्थळ चांगलेच गारठून गेले होते. आज तर तापमापकातील पारा आणखीनच खाली गेल्याने सर्वत्र कोरडे हवामान होते. कडका व प्रचंड थंडीमुळे सर्वत्र हुडहुडी जाणवत होती.

वेण्णा तलाव व लिंगमळा परिसर भल्या पहाटेपासून प्रचंड कुडकुडला होता. लिंगमाळा परिसरातील स्ट्रॉबेरी, फराशी व अन्य फळ- पालेभाज्यांच्या बागा, स्मृतिवन परिसरात मोठ्या प्रमाणावर दवबिंदू गोठले होते. सकाळी-सकाळी परिसरातील निसर्ग, झाडेझुडपे हे आपला हिरवा रंग हरवून गेले होते. वेण्णा तलाव येथील नौकाविहारासाठी नौकेत चढ-उतार करण्यासाठी वापरण्यात येणारी जेटी, याच परिसरातील गाड्यांवरचे टप हिमकणांनी पांढरेशुभ्र दिसत होते. जमलेले हिमकण गोळा करण्याचा आनंद पर्यटकांनी घेतला. या वर्षीच्या हंगामात दहा डिसेंबरला हिमकण दिसले. मात्र, आज प्रथमच एवढ्या मोठ्या प्रमाणात हिमकण पाहावयास मिळाले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com