पिंपरी-चिंचवड शहरातील अवैध धंदे बंद करण्याची मागणी - अण्णा बनसोडे

anna-bansode
anna-bansode

पिंपरी - शहरात पोलिसांच्या आशीर्वादाने सुरू असलेले अवैध धंदे तातडीने बंद करावेत, अशी मागणी आमदार अण्णा बनसोडे यांनी उपमुख्यमंत्री अजित पवार यांच्याकडे केली आहे. 

पुण्याच्या बातम्या वाचण्यासाठी येथे ► क्लिक करा

निवेदनात म्हटले आहे की, शहरात मटका, जुगार, पत्त्यांचे क्‍लब, गुटखा, अवैध दारू विक्री, हुक्का पार्लर, मसाज सेंटरच्या नावाखाली चालणारा वेश्‍या व्यवसाय दिवसाढवळ्या चालविला जातो. त्यातून दिवसाची उलाढाल लाखांमध्ये असून पिंपरी-चिंचवड पोलिस आयुक्तालय सुरू झाल्यानंतर त्यात वाढ होत आहे. पैसे घेतले जात असल्याने त्यांच्यावर कारवाई होत नाही.

राज्यात महाविकास आघाडीचे सरकार असून केवळ भ्रष्ट पोलिस अधिकाऱ्यांमुळे सरकारची जनमानसातील प्रतिमा मलिन होत आहे. अवैध धंद्यांना पाठबळ देणाऱ्या पोलिस आयुक्तांसह सर्वच अधिकाऱ्यांवर कारवाई करण्याची गरज आहे. बनसोडे यांनी शहरातील पोलिस ठाणे निहाय सुरू असलेल्या अवैध धंद्यांची यादी पवार यांच्याकडे निवेदनासोबत दिली आहे. गृहमंत्री व पोलिस महासंचालकांनाही निवेदन पाठविले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com