बस प्रवासात लाखोंचा ऐवज लुटणारी महिला चोरट्यांची टोळी हिंजवडीत जेरबंद

बस प्रवासात लाखोंचा ऐवज लुटणारी महिला चोरट्यांची टोळी हिंजवडीत जेरबंद

पिंपरी : बस प्रवासादरम्यान महिलेसोबत वाद घालून धक्काबुक्की करीत महिलेकडील पावणे दोन लाखांचा ऐवज लुटणाऱ्या महिलांच्या टोळीला हिंजवडी पोलिसांनी जेरबंद केले. ही घटना बेंगलोर हायवेवरील सुतारवाडी ते राधा चौकदरम्यान घडली. याप्रकरणी पोलिसांनी दरोड्याचा गुन्हा दाखल केला आहे. 

सारिका राम बुडबुक्की (वय 20), पल्लवी राम बुडबुक्की (वय 22), भवानी मंजेनाथ बुडबुक्की (वय 32), दीपा सेनू बुडबुक्की (वय 22, सर्व रा. टेंभुर्णी, ता. माढा, जि. सोलापूर) यासह अन्य दोन महिलांना अटक केली असून, एक महिला फरारी आहे. याप्रकरणी अर्चना मनोहर देवकर (वय 37, रा. घाटकोपर वेस्ट, मुंबई) यांनी हिंजवडी पोलिस ठाण्यात फिर्याद दिली आहे. 

पिंपरी-चिंचवडच्या बातम्या वाचण्यासाठी येथे ► क्लिक करा

पुण्याच्या बातम्या वाचण्यासाठी येथे ► क्लिक करा

फिर्यादी देवकर या रविवारी (ता. 13) दुपारी तीनच्या सुमारास कराड ते मुंबई बसमधून प्रवास करत होत्या. दुपारी तीनच्या सुमारास सुतारवाडी ते राधाचौक दरम्यान बसमधील सात महिलांनी फिर्यादी यांच्याकडे जाऊन वाद घातला. फिर्यादी यांना धक्काबुक्की करून बस राधाचौकात थांबली असता आरोपींनी जबरदस्तीने फिर्यादी यांच्या गळ्यातील सोन्याचे मंगळसूत्र हिसकावले. तसेच, 10 हजार रुपये रोख रक्कम आणि दागिने, असा एकूण एक लाख 83 हजार 200 रुपयांचा ऐवज घेऊन पळून जाण्याचा प्रयत्न केला. याबाबत परिसरातील नागरिकांनी पोलिसांना कळविल्यानंतर पोलिसांनी आरोपींना पकडले. हिंजवडी पोलिस अधिक तपास करीत आहेत. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com