कोरोनाच्या वाढत्या रुग्णांबाबत पिंपरी महापालिका आयुक्त श्रावण हर्डीकर म्हणाले...

पिंपरी : पिंपरी-चिंचवड शहरातील कोरोना संसर्ग झालेल्या रुग्णांची संख्या वाढत आहे. त्याबाबत महापालिका आयुक्त श्रावण हर्डीकर म्हणाले...

• 80 टक्के रुग्णांमध्ये कोणतेही लक्षणे नाहीत. त्यांना रुग्णालयात दाखल होण्याचीही आवश्यकता नाही. त्यांनी होम आयसोलेशन अर्थात घरीच उपचार किंवा कोविड केअर सेंटरमध्ये रहावे.
• 20 टक्के रुग्णांमध्ये लक्षणे दिसतात. पण, त्यातील बहुतांश म्हणजे साधारणत: 15 टक्के रुग्णांत सौम्य लक्षणे आढळत आहेत. यामध्ये सौम्य ताप, कफ, थंडी, सर्दी, घशात खवखव अशी लक्षणे आहेत. 
• केवळ पाच टक्के रुग्णांमध्ये तीव्र लक्षणे आढळत आहेत. त्यातही अनेकांची प्रतिकार शक्ती कमी झालेली असते. त्यांनाच अतिदक्षता विभागात (आयसीयू) दाखल केले जात आहे. त्यांना ऑक्सिजनची गरज भासू शकते. 
• राष्ट्रीय, राज्य व जिल्ह्याच्या तुलनेत मृत्यूदर कमी असून, तो अवघा 1.3 ते 1.4 टक्के आहे. 
• मृत्यूदर कमी करण्यासाठी संशयित व्यक्ती लवकरात लवकर शोधून त्यांच्यावर उपचार सुरू करणे, आवश्यक आहे. विशेषतः ज्येष्ठ नागरिक व गंभीर आजार असलेल्या व्यक्तींमध्ये कोरोनाचे तीव्र लक्षणे दिसत आहेत. 
• लक्षणे नसलेले रुग्ण होम आयसोलेशन, हॉटेलमध्ये स्वतंत्रपणे राहू शकतात. अशा रुग्णांसाठी कॉल सेंटर सुरू केले आहे. त्याद्वारे वैद्यकीय प्रशासन व अधिकारी रुग्णांच्या संपर्कात राहतील. 
• अधिकाधिक रुग्ण लवकरात लवकर शोधून त्यांच्यावर उपचार सुरू करावेत, हा लॉकडाउनचा उद्देश आहे. तपासणी लवकर व्हावी, यासाठी अॅंटिजन किट उपलब्ध झाले आहेत. त्याद्वारे अवघ्या मिनिटांत रिपोर्ट मिळू शकतील. 
• कोविड केअर सेंटरमध्ये व्हिआयपी सुविधा पुरविणे अशक्य आहे. कारण, त्यासाठी स्कूल, कॉलेज यांसारख्या इमारती वापरण्यात येणार आहेत. त्यामुळे होम आयसोलेशन चांगला पर्याय ठरतो. 

चिंताजनक! पिंपरी-चिंचवड शहरातील मृतांचा आकडा शंभरी पार

Edited by : Shivnandan Baviskar