SSC Exam Result : पिंपरी-चिंचवड शहराचा निकाल ९६.७२ टक्के; मुलींनी मारली बाजी

पिंपरी - महाराष्ट्र राज्य माध्यमिक व उच्च माध्यमिकच्या वतीने मार्च २०२३ मध्ये घेतल्याला दहावी परीक्षेचा निकाल शुक्रवारी (ता. २) दुपारी एक वाजता जाहीर झाला. पिंपरी-चिंचवड शहराचा निकाल ९६.७२ टक्के लागला आहे.

यंदा ऑफलाइन परीक्षा झाल्यामुळे निकालाविषयी उत्कंठा दाटली होती. मुला व मुलींनीही निकालात अव्वल बाजी मारली. मुलांचा निकाल ९५.५६टक्के तर मुलींचा निकाल ९८.०५ टक्के लागला आहे.

शहरातुन दहावीच्या परीक्षेला एकूण १९२८२ विद्यार्थी बसले होते. यामध्ये १०२५६ मुले व ८९७६ मुली परीक्षेस बसल्या होत्या. त्यातून ९८०१ मुले व ८८०१ मुली उत्तीर्ण झाल्या. एकूण १८६०२ विद्यार्थी उत्तीर्ण झाले. शहरातील तब्बल ११८ शाळांनी निकालाची शंभरी गाठली आहे.