हॉटेलचे नाव एक परवाना मात्र दुसराच वाकडमधील प्रकार, दोघांवर गुन्हा दाखल | Sakal
sakal

बोलून बातमी शोधा

हॉटेलचे नाव एक 
परवाना मात्र दुसराच
वाकडमधील प्रकार, दोघांवर गुन्हा दाखल
हॉटेलचे नाव एक परवाना मात्र दुसराच वाकडमधील प्रकार, दोघांवर गुन्हा दाखल

हॉटेलचे नाव एक परवाना मात्र दुसराच वाकडमधील प्रकार, दोघांवर गुन्हा दाखल

sakal_logo
By

पिंपरी, ता. १ : हॉटेलचे नाव एक व परवाना दुसऱ्याच नावाचा असा प्रकार वाकड येथे उघडकीस आला. याप्रकरणी दोघांवर फसवणुकीचा गुन्हा दाखल झाला आहे.
हॉटेलचा मॅनेजर अनुराग सुभाष भिलारे (रा. शुक्रवार पेठ, शाहू चौक, पुणे ) व हॉटेलचा मालक चिराग संदीप थोरवे अशी गुन्हा दाखल झालेल्यांची नावे आहेत. कोरोनाच्या पार्श्वभूमीवर रात्री अकरापर्यंतच हॉटेल सुरु ठेवण्यासह नियमांचे पालन करण्याबाबतचे आदेश प्रशासनाने दिलेले आहेत. दरम्यान, शनिवारी (ता. १) पहाटे साडे तीनच्या सुमारास पोलिस गस्त घालत असताना वाकडमधील जगताप डेअरी येथील दि मॅजेस्टिक हे हॉटेल उशिरापर्यंत सुरु असलेले आढळले. त्यामुळे पोलिसांनी या हॉटेलवर कारवाई केली. यादरम्यान, हॉटेलचे परवाने तपासले असता, ते पिंपळे निलख येथील आदिनाथ गोपी लंच अँड बार या नावाने असल्याचे आढळले. तर हॉटेलमध्ये दर्शनी भागावर लावलेला परवाना व ग्राहकांना देण्यात येणाऱ्या बिलावर दि मजेस्टिक या हॉटेलचाच उल्लेख होता. त्यावरून आरोपी हे आदिनाथ गोपी लन्च अँड बार या नावाऐवजी दि मॅजेस्टिक हे नाव धारण करून, हॉटेल चालवत ग्राहकांची व शासनाची फसवणूक करीत असल्याचे समोर आले. याप्रकरणी वाकड पोलिस ठाण्यात गुन्हा दाखल असून, पोलिस अधिक तपास करीत आहेत.
-----------------------

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top