ईपीएफचे संकेतस्थळ वारंवार डाऊन | Sakal
sakal

बोलून बातमी शोधा

ईपीएफचे संकेतस्थळ वारंवार डाऊन
ईपीएफचे संकेतस्थळ वारंवार डाऊन

ईपीएफचे संकेतस्थळ वारंवार डाऊन

sakal_logo
By

पिंपरी, ता. १३ : कर्मचारी भविष्यनिर्वाह निधी (ईपीएफ) कार्यालयाचे संकेतस्थळ वारंवार डाऊन होत आहे. त्यामुळे, कोरोना काळात ऑनलाइन पीएफची कामे करणारे नागरिक हैराण झाले आहेत. विविध कामांसाठी नागरीकांना पीएफ कार्यालयात जावे लागते. परंतु, डिजिटल सोईसुविधा घरबसल्या उपलब्ध असूनही त्याचा फायदा नागरिकांना होत नाही. दिवसभर https://www.epfindia.gov.in/ हे संकेतस्थळ वारंवार डाऊन होत असल्याने नाइलाजास्तव नागरीकांना आकुर्डीतील ईपीएफ कार्यालयात धाव घ्यावी लागत आहे.
खात्यातून पैसे काढणे, नॉमिनीचे नाव लावणे, आधार व बॅंक खाते लिंक करणे, कोरोना भत्ता व लाभ मिळवून देणे, पीएफचा बॅलन्स तपासणे, कंपन्यांच्या पीएफची कागदपत्रे अपलोड करणे, सेवानिवृत्तीधारकांची पेन्शन, विधवा महिलांचा लाभ, ई निरीक्षण प्रणालीद्वारे काम करणे अशा विविध सेवांसाठी नागरिक पीएफ खात्याद्वारे काम करत आहेत. परंतु, संकेतस्थळ अवघे एक ते दोन मिनीट प्रक्रियेत राहत असून पुन्हा हॅंग होत आहे. ‘वेबसाइट वर पोचू शकत नाही’ असा संदेश वारंवार येत आहे. त्यामुळे, नागरिक कात्रीत सापडले आहेत. गेल्या काही महिन्यांपासून संकेतस्थळ वारंवार डाउन होत असल्याने, नागरिकांची कामे मोठ्या प्रमाणात खोळंबली आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top